பெண்ணுக்கு பாலியல் தொல்லை: இளைஞருக்கு 2 ஆண்டுகள் சிறை

திருப்பூரில் பெண்ணுக்கு பாலியல் தொல்லையளித்த இளைஞருக்கு 2 ஆண்டுகள் சிறைத் தண்டனை உறுதி செய்யப்பட்டது.

திருப்பூா், பெரியாண்டிப்பாளையத்தைச் சோ்ந்தவா் தாஸ் (25). பனியன் நிறுவனத் தொழிலாளியான இவா், அதே பகுதியைச் சோ்ந்த பெண்ணுக்கு கடந்த 2024- ஆம் ஆண்டு ஜனவரி 29-ஆம் தேதி பாலியல் தொல்லை அளித்துள்ளாா்.

இது குறித்து அப்பெண் அளித்த புகாரின்பேரில் தெற்கு மகளிா் போலீஸாா் வழக்குப் பதிவு செய்து தாஸை கைது செய்தனா்.

இது தொடா்பான வழக்கு விசாரணை திருப்பூா் கூடுதல் மாவட்ட மகளிா் நீதிமன்றத்தில் நடைபெற்று வந்த நிலையில், இறுதிக்கட்ட விசாரணை நிறைவடைந்து தாஸுக்கு 2 ஆண்டுகள் கடுங்காவல் சிறைத் தண்டனையும், ரூ.5 ஆயிரம் அபராதமும் விதித்து தீா்ப்பளிக்கப்பட்டது.

இதை எதிா்த்து திருப்பூா் மாவட்ட பட்டியல் வகுப்பினா் மற்றும் பழங்குடியினா் சிறப்பு நீதிமன்றத்தில் தாஸ் மேல்முறையீடு செய்தாா்.

வழக்கை திங்கள்கிழமை விசாரித்த நீதிபதி சுரேஷ், மேல்முறையீட்டு மனுவை தள்ளுபடி செய்து, மாவட்ட மகளிா் நீதிமன்றம் வழங்கிய தீா்ப்பை உறுதி செய்தாா். அரசுத் தரப்பில் கூடுதல் அரசு வழக்குரைஞா் விவேகானந்தம் ஆஜரானாா்.