பென்னாகரத்தில் அனைத்து தொழிற்சங்கம் சாா்பில் புதன்கிழமை நடைபெற்ற மறியல் போராட்டத்தில் 72 போ் கைது செய்யப்பட்டனா்.
பென்னாகரத்தில் அனைத்து தொழிற்சங்கங்களின் சாா்பில் நடைபெற்ற மறியல் போராட்டத்துக்கு ஏஐடியுசி மாநிலக் குழு உறுப்பினா் ஏ.சி.மணி தலைமை வகித்தாா். ஐஎன்டியுசி மாநில பொருளாளா் வெங்கடாசலம், ஏஐசிசிடியு மாநிலச் செயலாளா் சிவராமன், இந்திய கம்யூனிஸ்ட் கட்சியின் மாவட்டச் செயலாளா் கலைச்செல்வம், மாா்க்சிஸ்ட் கம்யூனிஸ்ட் கட்சியின் மாவட்ட செயற்குழு உறுப்பினா் வி.மாதன் ஆகியோா்கள் கோரிக்கைகளை விளக்கிப் பேசினா். ஆா்ப்பாட்டத்தில் தொழிலாளா்களுக்கு எதிரான நான்கு சட்டத்தொகுப்புகளை அமல்படுத்தக்கூடாது, அனைவருக்கும் குறைந்தபட்ச மாத ஊதியம் ரூ. 26,000 வழங்க வேண்டும், விலைவாசி உயா்வைக் கட்டுப்படுத்த வேண்டும், பொதுத் துறை நிறுவனங்களை பெரு நிறுவனங்களுக்கு விற்பதை கைவிட வேண்டும், நலவாரிய உறுப்பினா்களுக்கு சமூக பாதுகாப்பை உறுதிப்படுத்த வேண்டும் என்பன உள்ளிட்ட கோரிக்கைகளை வலியுறுத்தி மத்திய அரசுக்கு எதிராக முழக்கங்களை எழுப்பியவாறு பேருந்து நிலையம் முன் சாலையில் அமா்ந்து மறியல் போராட்டத்தில் ஈடுபட்டனா்.
மேலும், அங்கன்வாடி தொழிற்சங்க மாநில இணைச்செயலாளா் லில்லி புஷ்பம், சிஐடியு மாவட்ட பொருளாளா் சண்முகம் தலைமையில் பேருந்தை சிறைபிடிக்க முயன்ாக 72 பேரை போலீஸாா் கைது செய்தனா்.
முன்னதாக பென்னாகரம் வட்டார வளா்ச்சி அலுவலக பேருந்து நிறுத்தம் பகுதியில் இருந்து முள்ளுவாடி வழியாக பென்னாகரம் பேருந்து நிலையம் வரை பேரணி நடைபெற்றது. இதில் சிஐடியு மாநிலச் செயலாளா் சண்முகம், எச்எம்எஸ் மாவட்டச் செயலாளா் அா்ஜுனன், மாா்க்சிஸ்ட் கம்யூனிஸ்ட் கட்சியின் மேற்கு மாவட்டச் செயலாளா் ஆா்.ஜீவானந்தம் மற்றும் அனைத்து தொழிற்சங்கத்தின் நிா்வாகிகள் என சுமாா் 200க்கும் மேற்பட்டோா் கலந்துகொண்டனா்.
