பெரியகோட்டை ஊராட்சியில் உங்களுடன் ஸ்டாலின் திட்ட முகாம்

கந்தா்வகோட்டை ஒன்றியம், பெரியகோட்டை ஊராட்சியில் உங்களுடன் ஸ்டாலின் சிறப்பு திட்ட முகாம் புதன்கிழமை நடைபெற்றது.

முகாமுக்கு மகளிா் திட்ட உதவி அலுவலா் பழனிசாமி தலைமை வகித்தாா். திமுக வடக்கு மாவட்ட செயலாளா் கே.கே. செல்லபாண்டியன், கந்தா்வகோட்டை சட்டப்பேரவை உறுப்பினா் மா. சின்னதுரை , தெற்கு ஒன்றிய செயலாளா் எம். பரமசிவம், வட்டாட்சியா் ம. ரமேஷ், வட்டார வளா்ச்சி அலுவலா்கள் நா. பிரபாகரன் (வ.ஊ), கோ.பாா்த்திபன் ( கி. ஊ) ஆகியோா் முன்னிலை வகித்தனா்.

15 அரசுத் துறைகளின் சாா்பிலான 46 சேவைகள் பெறுவதற்காக நடைபெற்ற இந்த முகாமில், 840 மனுக்கள் பெறப்பட்டன. இதில், மகளிா் உரிமைத்தொகை கோரி 343 மனுக்கள் அளிக்கப்பட்டன.

உடனடியாக 71 மனுக்களுக்கு தீா்வு காணப்பட்டது.

இதில், குறிப்பாக மகாத்மா காந்தி தேசிய ஊரக வேலைவாய்ப்பு அடையாள அட்டை, பட்டா மறுதால் உத்தரவு வழங்கப்பட்டது.

நிகழ்ச்சியில் சமுக நல வட்டாட்சியா் மனோகரன், துணை வட்டாட்சியா்கள் பாலகோபாலன், பழனிவேலு, கிராம வருவாய் ஆய்வாளா்கள் ராஜேந்திரகுமாா், காா்த்திக்குமாா், கண்ணன் மற்றும் அனைத்துத் துறை அலுவலா்கள், பொதுமக்கள் உள்ளிட்ட பலா் கலந்து கொண்டனா்.