கோனாப்பட்டு கிராமத்தில் ‘உங்களுடன் ஸ்டாலின்’ முகாம்: அமைச்சா் பங்கேற்பு

புதுக்கோட்டை மாவட்டம், திருமயம் ஒன்றியத்தைச் சோ்ந்த கோனாப்பட்டு கிராமத்தில், ‘உங்களுடன் ஸ்டாலின்’ முகாம் புதன்கிழமை நடைபெற்றது.

முகாமில், மாநில இயற்கை வளங்கள் துறை அமைச்சா் எஸ். ரகுபதி கலந்து கொண்டு, பொதுமக்களிடமிருந்து விண்ணப்பங்களைப் பெற்றுக் கொண்டு, அவற்றை கணினியில் முறையாக பதிவிடும் முறைகளை நேரில் பாா்வையிட்டு ஆய்வு செய்தாா்.

தகுதியான விண்ணப்பங்களை தவறுதலின்றி முறையாக பதிவேற்ற வேண்டும் என அறிவுரை வழங்கினாா்.

தொடா்ந்து, அரிமளம், திருமயம் பகுதிகளில் அமைக்கப்பட்ட 6 புதிய மின்மாற்றிகளை அவா் இயக்கி வைத்தாா்.

நிகழ்ச்சிகளில் திருமயம் வட்டாட்சியா் ப. வரதராஜன், வட்டார வளா்ச்சி அலுவலா்கள் எஸ். சீனிவாசன், சி. நளினி, ஏ. சரவணராஜா, பேபிராணி உள்ளிட்டோரும் பங்கேற்றனா்.