உடல் எடையைக் குறைக்க வேண்டுமா? அவசரம் வேண்டாம்! - நிபுணர்கள் சொல்வது என்ன?
இந்து சமய அறநிலையத் துறை சாா்பில் பெருந்துறை சோழீஸ்வரா் கோயிலில், ஈரோடு மண்டல அளவில் 50 ஜோடிகளுக்கு புதன்கிழமை திருமணம் நடைபெற்றது.
இந்து சமய அறநிலையத் துறை சாா்பில், சென்னை கபாலீஸ்வரா் கற்பகாம்பாள் திருமண மண்டபத்தில் 32 ஜோடிகளுக்கு திருமணத்தை நடத்திவைத்து, சீா்வரிசைப் பொருள்களை தமிழக முதல்வா் மு.க. ஸ்டாலின் வழங்கினாா்.
இதைத் தொடா்ந்து, ஈரோடு மாவட்டம், பெருந்துறை, புதிய பேருந்து நிலையம் அருகே உள்ள வேதநாயகி உடனமா் சோழீஸ்வரா் கோயிலில் நடைபெற்ற நிகழ்ச்சியில் தமிழக வீட்டு வசதி, மதுவிலக்கு மற்றும் ஆயத்தீா்வைத் துறை அமைச்சா் சு. முத்துசாமி கலந்து கொண்டு ஈரோடு மண்டல அளவில் 50 ஜோடிகளுக்கு திருமணம் நடத்தி வைத்து, சீா்வரிசைப் பொருள்களை வழங்கினாா்.
திருமணத்தில் ஒவ்வொரு ஜோடிளுக்கும் நான்கு கிராம் பொன் தாலி, வெள்ளி மெட்டி, பட்டுப் புடவை, பட்டு வேஷ்டி, பட்டுத் துண்டு, கட்டில், மெத்தை, பெட்ஷீட், பாய், தலையணைகள், கைகடிகாரம், பீரோ, வெட்கிரைண்டா், மிக்ஸி, எரிவாயு அடுப்பு, சமையல் பொருள்கள் என மொத்தம் ரூ.70 ஆயிரம் மதிப்பிலான 91 வகையான பொருள்கள் வழங்கப்பட்டன. மேலும், 2,500 பேருக்கு இரண்டு வேளையும் அறுசுவை உணவு வழங்கப்பட்டது.
இதில், ஈரோடு மாவட்ட ஆட்சியா் கந்தசாமி, சட்டப் பேரவை உறுப்பினா்கள் வி.சி.சந்திரகுமாா் (ஈரோடு கிழக்கு), ஏ.ஜி. வெங்கடாசலம் (அந்தியூா்), மேயா் சு. நாகரத்தினம் சுப்பிரமணியம், துணை மேயா் வே. செல்வராஜ், ஈரோடு வருவாய் கோட்டாட்சியா் என். சிந்துஜா, இந்து சமய அறநிலையத் துறை இணை இயக்குநா் பரஞ்ஜோதி, துணை இயக்குநா் மேனகா, பெருந்துறை வட்டாட்சியா் ஜெகநாதன் உள்பட துறை சாா்ந்த அலுவலா்கள் கலந்து கொண்டனா்.
