பேரூா் தமிழ்க் கல்லூரியில் சத்குரு குருகுல மாணவா்களின் தேவாரப் பண்ணிசை நிகழ்ச்சி வெள்ளிக்கிழமை நடைபெற்றது.
பேரூராதீனத்தின் நூற்றாண்டு விழாவை முன்னிட்டும், தேவாரம் அருளிச் சென்ற தேவார நாயன்மாா்களுக்கு நன்றியுணா்வை வெளிப்படுத்தவும், இன்றைய இளைஞா்கள் மத்தியில் தேவாரம் குறித்த விழிப்புணா்வை ஏற்படுத்தும் நோக்கத்திலும், சமஸ்கிருதி மாணவா்கள் தமிழகம் முழுவதும் உள்ள 15-க்கும் மேற்பட்ட பிரசித்தி பெற்ற கோயில்களில் தேவாரப் பண்ணிசை அா்ப்பணிப்பு நிகழ்ச்சிகளை நடத்த உள்ளனா்.
இதன் முதல் நிகழ்ச்சி பேரூராதீனம் சாந்தலிங்க மருதாசல அடிகளாா் முன்னிலையில் பேரூா் தமிழ்க் கல்லூரியில் வெள்ளிக்கிழமை நடைபெற்றது. இதில் கலந்து கொண்ட சத்குரு குருகுல மாணவா்கள் பல்வேறு தேவாரப் பாடல்களைப் பாடினா்.
திருஞானசம்பந்தரின் வாழ்க்கை வரலாற்றை கதையாடல் மூலம் விவரித்தனா். இந்நிகழ்வில் பேரூராதீனம் சாந்தலிங்க மருதாசல அடிகளாா் பேசுகையில், ‘ஈஷா அறக்கட்டளை நிறுவனா் சத்குரு ஜக்கி வாசுதேவ், பாரம்பரியமாக இருக்கக் கூடிய கலைகளை, வித்தைகளை பேண வேண்டும் என்ற நல்ல எண்ணம் கொண்டவா். அந்த அடிப்படையில், ஓதுவாா் மூா்த்திகள் பாடுவதுபோல அழகாகப் பாடும் வல்லமை கொண்டவா்களாக குழந்தைகளுக்கு பயிற்சி அளிக்கப்பட்டுள்ளது. நமது பண்பாட்டை அடுத்த தலைமுறைக்கு கொண்டுச் செல்வதற்காக, நம்முடைய பழைமை மிகுந்த கலைகள் அனைத்தையும் சத்குரு கற்றுத் தருகிறாா் என்றாா். இந்நிகழ்வில், பேரூராதீனத்தின் மாணவா்கள், பக்தா்கள் என நூற்றுக்கணக்கானவா்கள் கலந்து கொண்டனா்.
