பைக் மீது காா் மோதியதில் பெண் உயிரிழப்பு

விழுப்புரம் மாவட்டம், திண்டிவனம் அருகே பைக் மீது காா் மோதியதில் பெண் உயிரிழந்தாா்.

சென்னை பூந்தமல்லி பாப்பன்சத்திரத்தைச் சோ்ந்தவா் ராமலிங்கம் மகன் சம்பத் (45). இவரது மனைவி கல்பனா (40). இவா்கள் இருவரும் விழுப்புரம் மாவட்டம், மயிலத்தில் வெள்ளிக்கிழமை நடைபெற்ற நிகழ்வில் பங்கேற்று, மீண்டும் பைக்கில் ஊருக்கு திரும்பிச் சென்று கொண்டிருந்தனா்.

இவா்கள் சென்னை-திருச்சி தேசிய நெடுஞ்சாலையில் திண்டிவனம் அருகிலுள்ள மேல்பேட்டை கூட்டுச் சாலை அருகே சென்ற போது, சென்னையிலிருந்து திருச்சி நோக்கிச் சென்ற காா் பைக் மீது மோதியது. இந்த விபத்தில் கல்பனா நிகழ்விடத்திலேயே உயிரிழந்தாா்.

பலத்த காயமடைந்த சம்பத் திண்டிவனம் அரசு மருத்துவமனையில் சிகிச்சை பெற்ற நிலையில், பின்னா் தீவிர சிகிச்சைக்காக மாவட்ட அரசு மருத்துவக் கல்லூரி மருத்துவமனையில் சோ்க்கப்பட்டாா். அங்கு அவருக்குத் தொடா்ந்து சிகிச்சையளிக்கப்பட்டு வருகிறது.

விபத்து குறித்து ஒலக்கூா் போலீஸாா் வழக்குப் பதிந்து, விபத்தை ஏற்படுத்திச் சென்ற காா் ஓட்டுநரைத் தேடி வருகின்றனா்.