பைக் - லாரி மோதல்: மேஸ்திரி உயிரிழப்பு

புழல் அருகே இருசக்கர வாகனம் மீது லாரி மோதிய விபத்தில் மேஸ்திரி உயிரிழந்தாா்.

செங்குன்றம் அடுத்த நல்லூா் ஊராட்சிக்குட்பட்ட சோலையம்மன் நகா் 20-ஆவது குறுக்குத் தெருவைச் சோ்ந்த மேஸ்திரி ரேணு (52),. இந்த நிலையில், வியாழக்கிழமை மாதவரம் பகுதியில் கட்டடப் பணிகளை முடித்து வீட்டு, இருசக்கர வாகனத்தில் வீட்டுக்கு, சென்னை - கொல்கத்தா நெடுஞ்சாலையில் புழல் காவல் நிலையம் அருகே சென்றபோது, பின்னால் வந்த லாரி மோதியதில் ரேணு நிகழ்விடத்திலேயே உயிரிழந்தாா்.

இதுகுறித்து மாதவரம் போக்குவரத்து புலனாய்வு பிரிவு போலீஸாா் வழக்குப் பதிவு செய்து லாரி ஓட்டுநா் ராஜஸ்தானைச் சோ்ந்த நிஜாமை கைது செய்தனா்.