பைக் விபத்தில் காயமடைந்த பெண் உயிரிழப்பு

சேத்துப்பட்டு அருகே பைக் விபத்தில் காயமடைந்து சிகிச்சை பெற்று வந்த பெண் ஞாயிற்றுக்கிழமை உயிரிழந்தாா்.

சேத்துப்பட்டு வட்டம், எஸ்.காட்டேரி கிராமத்தைச் சோ்ந்தவா் முனியப்பன், இவருடைய மனைவி ரோகினி (58), மகன் சதீஷ்குமாா்.

இவா்கள், சேத்துப்பட்டை அடுத்த கிழக்கு மேடு கூட்டுச் சாலையில் உள்ள உறவினா் இல்ல நிகழ்ச்சியில் கலந்து கொள்ள கடந்த மாதம் 19-ஆம் தேதி வந்திருந்தனா்.

நிகழ்ச்சி முடிந்த பிறகு சதீஷ்குமாா், தனது தாய் ரோகினியை உறவினா் சங்கரிடம் வீட்டுக்கு அழைத்துச் சென்று விடுமாறு கேட்டுக்கொண்டு இரு சக்கர வாகனத்தில் அனுப்பி வைத்தாா். இதனால், சங்கா் பைக்கில் சதீஷ்குமாரின் தாய் ரோகினியை அழைத்துச் சென்றாா்.

சேத்துப்பட்டு லூா்து நகா் அருகேயுள்ள வேகத்தடையில் பைக் ஏறி இறங்கியபோது, ரோகிணி பைக்கில் இருந்து கீழே விழுந்தாா். இதில் பலத்த காயமடைந்த அவா், சிகிச்சைக்காக சேத்துப்பட்டு அரசு மருத்துவமனையில் அனுமதிக்கப்பட்டாா்.

பின்னா், தீவிர சிகிச்சைக்காக வேலூா் அரசு மருத்துவமனைக்கு மாற்றப்பட்ட ரோகினி அங்கு ஞாயிற்றுக்கிழமை உயிரிழந்தாா்.

இதுகுறித்த புகாரின் பேரில் சேத்துப்பட்டு போலீஸாா் வழக்குப் பதிந்து விசாரணை நடத்தி வருகின்றனா்.