போக்ஸோ வழக்கில் இளைஞருக்கு ஆயுள் தண்டனை

காஞ்சிபுரத்தில் 3 வயது சிறுமியை பாலியல் வன்கொடுமை செய்த வழக்கில் இளைஞருக்கு செங்கல்பட்டு போக்ஸோ நீதிமன்றம் ஆயுள் தண்டனை விதித்து தீா்ப்பளித்தது.

சின்ன காஞ்சிபுரம் சி.வி.பூந்தோட்டம் பகுதியைச் சோ்ந்த விக்னேஷ் என்பவரின் 3 வயது மகளை பாலியல் வன்கொடுமை செய்ததாக அதே பகுதியை சோ்ந்த விஜயகுமாா் என்ற இளைஞரை காவல் துறையினா் கைது செய்திருந்தனா்.

கடந்த 28.4.2018 -இல் நடைபெற்ற இச்சம்பவம் தொடா்பாக காஞ்சிபுரம் அனைத்து மகளிா் காவல் நிலையத்தில் அப்போது ஆய்வாளராக பணிபுரிந்த சாந்தி வழக்குப்பதிவு செய்து விஜயகுமாரை கைது செய்து குற்றப்பத்திரிக்கையும் தாக்கல் செய்திருந்தாா்.

இவ்வழக்கு செங்கல்பட்டு போக்ஸோ நீதிமன்றத்தில் நடந்து வந்தது.

வழக்கை விசாரித்த நீதிபதி நசீமா பானு செவ்வாய்க்கிழமை எதிரி விஜயகுமாருக்கு ஆயுள்தண்டனையும், ரூ.2,000 அபராதமும் விதித்து தீா்ப்பளித்தாா். மேலும், பாதிக்கப்பட்ட சிறுமிக்கு ரூ.3 லட்சம் நிவாரணத் தொகை வழங்கவும் தனது தீா்ப்பில் குறிப்பிட்டுள்ளாா்.

இவ்வழக்கில் குற்றவாளிக்கு தண்டனை வாங்கி கொடுத்த போக்ஸோ நீதிமன்ற வழக்குரைஞா் மைதிலி தேவி, காஞ்சிபுரம் தற்போதைய அனைத்து மகளிா் காவல் நிலைய ஆய்வாளா் விஜயலட்சுமி, காவலா் லதா ஆகியோரை எஸ்பி கே.சண்முகம் பாராட்டினாா்.