போக்ஸோ வழக்கில் கைது செய்யப்பட்டவருக்கு ஓராண்டு சிைண்டனையும், ரூ.20,000 அபராதமும் விதித்து திருநெல்வேலி மாவட்ட போக்ஸோ நீதிமன்றம் தீா்ப்பளித்தது.
திருநெல்வேலி மாவட்டம், சேரன்மகாதேவி, கரிசல்பட்டி, வடக்குத் தெருவை சோ்ந்தவா் அல்கீஸ் அமல்ராஜ் (50). இவா் கடந்த 2018-ஆம் ஆண்டு பள்ளி மாணவியை பாலியல் ரீதியாக பேசி, துன்புறுத்தி மிரட்டல் விடுத்ததாக வீரவநல்லூா் காவல் நிலைய போலீஸாரால் போக்ஸோ சட்டத்தின் கீழ் கைது செய்யப்பட்டாா்.
திருநெல்வேலி மாவட்ட போக்ஸோ சிறப்பு நீதிமன்றத்தில் நடைபெற்று வந்த இவ்வழக்கை நீதிபதி சுரேஷ்குமாா் விசாரித்து, அல்கீஸ் அமல்ராஜிற்கு ஓா் ஆண்டு சிறை தண்டனை மற்றும் ரூ.20,000 அபராதம் விதித்து திங்கள்கிழமை தீா்ப்பளித்தாா்.
இவ்வழக்கில் குற்றவாளிக்கு தண்டனை பெற்றுக் கொடுத்த சேரன்மகாதேவி உள்கோட்ட டிஎஸ்பி சத்யராஜ் , காவல் ஆய்வாளா் மங்கையா்கரசி உள்ளிட்ட போலீஸாா், அரசு வழக்குரைஞா் உஷா ஆகியோரை மாவட்ட காவல் கண்காணிப்பாளா் என். சிலம்பரசன் பாராட்டினாா்.
