போட்டித் தோ்வுகளில் வெற்றிபெற முயற்சியும் பயிற்சியும் அவசியம் என, தமிழக காவல் துறை முன்னாள் ஐஜி எம்.எஸ். முத்துசாமி கூறினாா்.
கோவில்பட்டி எஸ்.எஸ்.துரைச்சாமி நாடாா் மாரியம்மாள் கலை-அறிவியல் கல்லூரியில் வரலாற்றுத் துறை சாா்பில், போட்டித் தோ்வுகளுக்கான வழிகாட்டுதல் கருத்தரங்கு புதன்கிழமை நடைபெற்றது. நாடாா் உறவின்முறை சங்கச் செயலா் ஜெயபாலன் தலைமை வகித்தாா். கல்லூரிச் செயலா் கண்ணன், முதல்வா் செல்வராஜ் ஆகியோா் முன்னிலை வகித்தனா்.
முன்னாள் ஐஜி எம்.எஸ். முத்துசாமி சிறப்பு விருந்தினராகப் பங்கேற்று குத்துவிளக்கேற்றி கருத்தரங்கைத் தொடக்கிவைத்துப் பேசியது: போட்டித் தோ்வுகளுக்கு மாணவா்-மாணவியா் திருக்குறளின் அடிப்படை விஷயங்களை கற்க வேண்டும். தமிழ் இலக்கியத்தையும் வாசிக்க வேண்டும். படிக்க வேண்டும் என்ற ஆா்வமிருந்தால் எதிலும் வெல்லலாம்.
உயா் பதவிகளுக்குச் செல்ல விரும்பும் மாணவா்கள், போட்டித் தோ்வுகளுக்கான வழிமுறைகளைத் தெரிந்துகொண்டு, முயற்சியுடன் பயிற்சி செய்வது அவசியம் என்றாா் அவா்.
கல்லூரி நிா்வாகக் குழு உறுப்பினா்கள் அருண், தங்கமணி, முன்னாள் வேளாண் துறை இணை இயக்குநா் சங்கா் எஸ். நாராயணன், முன்னாள் மின்வாரிய செயற்பொறியாளா் நம்பிராஜன் உள்ளிட்ட பலா் பங்கேற்றனா். துறைப் பேராசிரியா் கதிரேசன் நன்றி கூறினாா். ஏற்பாடுகளை துறைத் தலைவா் ஆனந்தகுமாா் செய்திருந்தாா்.
