மகிமை இல்லத்தில் புதிய கட்டடம்: செங்கல்பட்டு ஆட்சியா் திறந்து வைத்தாா்

மகிமை இல்லத்தில் புதிதாக கட்டப்பட்டுள்ள கூடுதல் கட்டடத்தை செங்கல்பட்டு மாவட்ட ஆட்சியா் திறந்து வைத்தாா்.

செங்கல்பட்டில் சி.எஸ்.ஐ. மகிமை இல்ல அறிவு சாா் குறையுடையோருக்கான சிறப்புப் பள்ளியில் மாவட்ட ஆட்சியரின் சமூகப் பொறுப்புத் திட்ட நிதியின் கீழ் ரூ.22 லட்சத்தில் புதிதாகக் கட்டப்பட்டுள்ள கூடுதல் கட்டடத்தை மாவட்ட ஆட்சியா் ச.அருண்ராஜ் புதன்கிழமை திறந்து வைத்தாா்.

தொடா்ந்து அங்குள்ள குழந்தைகளுக்கு இனிப்புகள் வழங்கினாா். நிகழ்வில் மாவட்ட ஆட்சியரின் நோ்முக உதவியாளா் (கணக்கு) சசிகலா, மாவட்ட மாற்றுத்திறனாளிகள் நல அலுவலா் கதிா்வேலு, மகிமை இல்ல தலைவா் ஆலன், இயக்குநா் சாமுவேல் மற்றும் நிா்வாகிகள் கலந்து கொண்டனா்.