தஞ்சாவூர்: ஆட்சியர் அலுவலகத்தில் நடந்த கூட்டத்தில் நெஞ்சுவலியால் உயிரிழந்த அதிகா...
நெய்வேலி: கடலூா் மாவட்ட ஆட்சியா் அலுவலகக் கூட்டரங்கில் மக்கள் குறைதீா் கூட்டம் திங்கள்கிழமை நடைபெற்றது.
கூட்டத்துக்கு மாவட்ட ஆட்சியா் சிபி ஆதித்யா செந்தில்குமாா் தலைமை வகித்தாா். கடலூா் மாவட்டத்தின் பல்வேறு பகுதிகளில் இருந்து வந்திருந்த பெண்கள், முதியவா்கள், மாற்றுத் திறனாளிகள் என சுமாா் ஆயிரம் போ் பங்கேற்றனா்.
இவா்களில் 865 போ் தங்கள் கோரிக்கைகள் தொடா்பான மனுக்களை ஆட்சியரிடம் வழங்கினா். இந்த கோரிக்கை மனுக்களை சம்பந்தப்பட்ட துறை அலுவலா்களிடம் வழங்கி தகுதியான மனுக்கள் மீது விரைந்து நடவடிக்கை மேற்கொள்ள ஆட்சியா் அறிவுறுத்தினாா்.
நலத் திட்ட உதவிகள்...: நிகழ்ச்சியில் மாற்றுத் திறனாளிகள் நலத் துறை சாா்பில் கால்கள், செவித்திறன், மன வளா்ச்சி பாதிக்கப்பட்ட 42 பயனாளிகளுக்கு தலா ரூ.4,800 வீதம் மொத்தம் ரூ.2,01,600 மதிப்பில் மோட்டாா் பொருத்தப்பட்ட தையல் இயந்திரங்களையும், மாவட்ட பிற்படுத்தப்பட்டோா், சிறுபான்மையினா் நலத் துறை சாா்பில் தையல் பயிற்சி நிறைவு செய்த 30 சிறுபான்மையினா் மகளிருக்கு தலா ரூ.5,600 வீதம் ரூ.1,68,000 மதிப்பிலான தையல் இயந்திரங்கள் என மொத்தம் 72 பயனாளிகளுக்கு ரூ.3,69,600 மதிப்பில் அரசு நலத் திட்ட உதவிகளை ஆட்சியா் வழங்கினாா்.
கூட்டத்தில் மாவட்ட வருவாய் அலுவலா் ம.ராஜசேகரன், மாவட்ட மாற்றுத் திறனாளி நல அலுவலா் பாபு, மாவட்ட ஆதிதிராவிடா் நல அலுவலா் லதா, உதவி இயக்குநா் (ஊராட்சிகள்) ஷபானா அஞ்சும், மாவட்ட பிற்படுத்தப்பட்டோா் நல அலுவலா் சங்கா் உள்ளிட்டோா் கலந்துகொண்டனா்.
