மதுரை தவெக மாநாட்டுக்கான புதிய தேதி இன்று அறிவிப்பு?

மதுரையில் நடைபெறவிருக்கும் த.வெ.க. மாநாட்டுக்கான புதிய தேதி குறித்து செவ்வாய்க்கிழமை (ஆக. 5) அதிகாரப்பூா்வ அறிவிப்பு வெளியாகும் என எதிா்பாா்க்கப்படுகிறது.

விஜய் தலைமையிலான தமிழக வெற்றிக் கழகத்தின் முதல் மாநாடு, விழுப்புரம் மாவட்டம், விக்கிரவாண்டி அருகே உள்ள வி.சாலை கிராமத்தில் கடந்த ஆண்டு நடைபெற்றது.

இந்த நிலையில், தமிழக வெற்றிக் கழகத்தின் 2-ஆவது மாநில மாநாடு மதுரையில் வருகிற 25-ஆம் தேதி நடத்த ஏற்பாடுகள் நடைபெற்று வருகின்றன. இதையொட்டி, மதுரை-தூத்துக்குடி தேசிய நெடுஞ்சாலை எலியாா்பத்தி சுங்கச்சாவடி அருகே உள்ள பாரபத்தியில் மாநாட்டுக்கான பூமி பூஜை அண்மையில் நடைபெற்றது.

இந்த நிலையில், மாநாட்டுப் பணிகளை ஆய்வு செய்வதற்காக, கடந்த மாதம் 29-ஆம் தேதி கட்சியின் பொதுச் செயலா் புஸ்சி ஆனந்த் மதுரைக்கு வந்தாா். அப்போது, அவா் மதுரை மாவட்ட காவல் கண்காணிப்பாளா் பி. கே. அா்விந்தை சந்தித்து பேசினாா்.

அப்போது, மாநாடு நடைபெறும் 25- ஆம் தேதியை தொடா்ந்து 27- ஆம் தேதி விநாயகா் சதுா்த்தி வர இருப்பதாகவும், இதற்கு பாதுகாப்பு வழங்க வேண்டியிருப்பதால், மாநாடு நடைபெறும் தேதியை மாற்றி அமைக்க வேண்டும் என வலியுறுத்தப்பட்டது.

இதற்கு புஸ்சி ஆனந்த் தரப்பில், கட்சி தலைமையிடம் கேட்டு முடிவு செய்கிறோம் எனக் கூறி விட்டுச் சென்றனா். இதனால், தமிழக வெற்றிக் கழகத்தின் மாநாடு குறிப்பிட்ட அந்தத் தேதியில் நடைபெறுமா? அல்லது தேதி மாற்றப்படுமா என்ற கேள்வி எழுந்தது.

இந்த நிலையில், திங்கள்கிழமை மதுரை வந்த புஸ்சி ஆனந்த், மீண்டும் காவல் கண்காணிப்பாளரைச் சந்தித்து, மாநாடு தேதி தொடா்பாக பேசினாா்.

பின்னா், செய்தியாளா்களிடம் அவா் கூறியதாவது:

விநாயகா் சதுா்த்தி வருகிற 27- ஆம் தேதி வருவதால், பாதுகாப்பு வழங்குவதில் சிக்கல்கள் இருக்கும் எனக் கூறி காவல் துறை சாா்பில் த.வெ.க. மாநாடு தேதியை மாற்றுவதற்கு யோசனை தெரிவித்தனா்.

இதன்படி, வருகிற 18- ஆம் தேதி முதல் 22- ஆம் தேதி வரை ஒரு தேதியை நீங்கள் கொடுக்க வேண்டும் எனவும் அறிவுறுத்தினா். இதனால், அவா்கள் கூறிய தேதிகளில் ஒன்றைத் தோ்வு செய்து மாநாடு நடந்த அனுமதி கேட்டு மனு கொடுத்திருக்கிறோம். இந்தத் தேதி தொடா்பான அதிகாரப்பூா்வ அறிவிப்பை கட்சியின் தலைவா் விஜய் அறிவிப்பாா் என்றாா் அவா்.

இந்த நிலையில், மதுரையில் நடைபெறவிருக்கும் த.வெ.க. மாநாட்டுக்கான புதிய தேதி குறித்து செவ்வாய்க்கிழமை (ஆக. 5) அதிகாரப்பூா்வ அறிவிப்பு வெளியாகும் என எதிா்பாா்க்கப்படுகிறது.