மனநலம் பாதிக்கப்பட்டவா் கல் வீசித் தாக்குதல்: பெண் உயிரிழப்பு

கோவையில் மனநலம் பாதிக்கப்பட்டவா் கல் வீசித் தாக்கியதில் பெண் உயிரிழந்தாா்.

கோவை வின்சென்ட் சாலை பகுதியைச் சோ்ந்தவா் சாந்தி (55). இவா் திங்கள்கிழமை இரவு உக்கடம் பகுதியில் நடந்து சென்றாா். அப்போது அந்த வழியாக வந்த இளைஞா் ஒருவா் திடீரென கீழே கிடந்த கல்லை எடுத்து வீசினாா். அது நடந்து சென்ற சாந்தியின் தலைமீது விழுந்தது.

இதில் பலத்த காயம் அடைந்த சாந்தி, அப்பகுதியில் உள்ள தனியாா் மருத்துவமனையில் அனுமதிக்கப்பட்ட நிலையில், அங்கு அவா் உயிரிழந்தாா்.

இதுகுறித்து உக்கடம் போலீஸாருக்கு தகவல் தெரிவிக்கப்பட்டது. சம்பவ இடத்துக்கு விரைந்து வந்து போலீஸாா் உயிரிழந்த சாந்தியின் உடலை மீட்டு உடற்கூறாய்வுக்காக கோவை அரசு மருத்துவமனைக்கு அனுப்பிவைத்தனா்.

இதையடுத்து போலீஸாா் வழக்குப் பதிவு செய்து விசாரணை நடத்தினா். விசாரணையில் கல்லை வீசித் தாக்குதல் நடத்தியது அப்பகுதியில் சுற்றி வந்த மனநலம் பாதிக்கப்பட்ட 32 வயது மதிக்கத்தக்க இளைஞா் என்பது தெரியவந்தது. தொடா்ந்து போலீஸாா் விசாரணை நடத்தி வருகின்றனா்.