மயிலாடுதுறையில் உரிமம் பெறாத 3 மதுக்கூடங்களுக்கு ‘சீல்’: மது விற்ற 11 போ் கைது

மயிலாடுதுறை மாவட்டத்தில் மதுவிலக்கு போலீஸாா் மேற்கொண்ட சோதனையில் உரிமம் பெறாத 3 மதுபானக் கூடங்களுக்கு சீல் வைக்கப்பட்டது. சட்டவிரோத மது விற்பனை தொடா்பாக 11 போ் கைது செய்யப்பட்டனா்.

மயிலாடுதுறை மாவட்டத்தில் வெளிமாநில மது வகைகள் விற்பனை செய்யப்படுவதைத் தடுக்க, மாவட்டக் காவல் கண்காணிப்பாளா் கோ. ஸ்டாலின் உத்தரவின்பேரில், டிஎஸ்பி சுந்தரேசன் தலைமையில் மதுவிலக்கு அமலாக்கப் பிரிவு ஆய்வாளா் அன்னை அபிராமி மற்றும் போலீஸாா் பல்வேறு இடங்களில் சனி, ஞாயிற்றுக்கிழமையில் அதிரடி சோதனை நடத்தினா்.

இந்த சோதனையில் புதுச்சேரி மாநில மது மற்றும் சாராயம் விற்றது தொடா்பாக 10 வழக்குகள் பதிவு செய்யப்பட்டன. இதுதொடா்பாக, ஆக்கூரைச் சோ்ந்த தமிழரசன் (44), சோழம்பேட்டை சங்கா் (23), முத்தூா் சரண்ராஜ் (28), நல்லூா் பரமசிவம் (48), அனந்தமங்கலம் மணி (54), சீா்காழி ஆா்ப்பாக்கம் ராஜகுமாரி (60), மயிலாடுதுறை சேந்தங்குடி சக்தி (46), தாண்டவன்குளம் ரமேஷ் (30) ஆகிய 8 போ் கைது செய்யப்பட்டு, அவா்களிடமிருந்து புதுச்சேரி மாநில மது மற்றும் சாராயம் பறிமுதல் செய்யப்பட்டன.

மேலும், டாஸ்மாக் மதுக்கடைகளுடன் இணைந்த மற்றும் அருகே உள்ள மதுக்கூடங்களில் போலீஸாா் ஆய்வு செய்தாா். இதில், மாதானம் பெரியகொப்பியம், புத்தூா் மற்றும் புதுப்பட்டினம் கிராமங்களில் உள்ள டாஸ்மாக் மதுக்கடை அருகில் உரிமம் பெறாமல் மதுபானக்கூடம் நடத்தப்படுவது தெரியவந்தது. இந்த 3 மதுக்கூடங்களுக்கும், வட்டாட்சியா் ஜெயபாலன் முன்னிலையில் சீல் வைக்கப்பட்டது. இதில், சம்பந்தப்பட்ட பாபு விஜய் (42), கண்ணன் (50), சுந்தரி (44) ஆகிய 3 போ் கைது செய்யப்பட்டனா். தப்பியோடிய மதுக்கூட உரிமையாளா்கள் முத்துராமன், சேகா் ஆகியோரை போலீஸாா் தேடிவருகின்றனா்.

மாவட்டத்தில் 48 டாஸ்மாக் மதுபானக் கடைகள் இயங்கிவரும் நிலையில், அவற்றில் 38 கடைகளில் மதுபானக் கூடங்கள் உரிமம் பெறாமல் இயங்கிவருவதாகவும், அவற்றை உடனடியாக மூடாவிட்டால் கைது மற்றும் சீல் நடவடிக்கை தொடரும் என்றும் டிஎஸ்பி சுந்தரேசன் எச்சரிக்கை விடுத்துள்ளாா்.