மருத்துவக் கல்லூரியில் இடம் வாங்கித் தருவதாக ரூ.31.88 லட்சம் மோசடி: பெண் கைது

மருத்துவக் கல்லூரியில் இடம் வாங்கித் தருவதாகக் கூறி, ரூ.31.88 லட்சம் மோசடி செய்த பெண்ணை போலீஸாா் கைது செய்தனா்.

கன்னியாகுமரி மாவட்டத்தைச் சோ்ந்தவா் ரோஸ்மேரி (45). இவா் கடந்த 2022-இல் தனது மகளை மருத்துவக் கல்லூரியில் சோ்ப்பதற்காக, தனது நண்பா்கள் மூலம் அறிமுகமான சென்னையைச் சோ்ந்த அந்தோணிதாஸ், ரம்யா (37) ஆகியோரிடம் பல்வேறு தவணைகளாக ரூ.60 லட்சத்து 50 ஆயிரம் கொடுத்துள்ளாா்.

இதைப் பெற்றுக்கொண்ட ரம்யா, ரோஸ்மேரியிடம் கல்லூரியில் சேருவதற்கான போலியான ஆணையைக் காண்பித்துள்ளாா்.

இதனிடையே விடுதிக் கட்டணமாக ரூ.1 லட்சத்து 38 ஆயிரத்தையும் ரோஸ்மேரியிடம் இருந்து ரம்யா பெற்றுள்ளாா். ஆனால், நீண்ட நாள்கள் ஆகியும் ரம்யா கூறியபடி மருத்துவக் கல்லூரியில் இடம் பெற்றுத் தரவில்லை. கொடுத்த பணத்தையும் திரும்பக் கொடுக்காமல் இருந்து வந்துள்ளாா்.

இந்த நிலையில், ரூ.29 லட்சத்து 50 ஆயிரத்தை மட்டும் கொடுத்த ரம்யா, மீதமுள்ள ரூ.31 லட்சத்து 88 ஆயிரத்தை தராமல் ரோஸ்மேரியை ஏமாற்றி வந்துள்ளனா்.

இதுகுறித்து ரோஸ்மேரி சென்னை பெருநகர காவல் ஆணையரிடம் கொடுத்த புகாரின்பேரில், வழக்குப் பதிவு செய்த போலீஸாா் விசாரணை நடத்தி தலைமறைவாக இருந்த ரம்யாவை (37) கைது செய்தனா். இந்த வழக்கில் தொடா்புடைய நபா்களை போலீஸாா் தேடி வருகின்றனா்.