கடலூா் மாவட்டம், பண்ருட்டி வட்டம், காடாம்புலியூா் அருகே மருத்துவா் வீட்டில் 95 பவுன் தங்க நகைகள் திருடப்பட்ட வழக்கில் தொடா்புடையதாக 5 பேரை போலீஸாா் ஞாயிற்றுக்கிழமை கைது செய்தனா்.
காடாம்புலியூா் காவல் சரகம், புதுபிள்ளையாா்குப்பம் பகுதியைச் சோ்ந்தவா் காசிலிங்கம் (75), மணிலா வியாபாரி. இவரது மகன் ராஜா (44), விழுப்புரம் அரசு மருத்துவக் கல்லூரி மருத்துவமனையில் மருத்துவராகப் பணியாற்றி வருகிறாா். இவரது மனைவி ஆா்த்தி (40), பண்ருட்டியில் மருத்துவராகப் பணியாற்றி வருகிறாா்.
இவா்களுக்குச் சொந்தமான புதுபிள்ளையாா்குப்பத்தில் உள்ள வீட்டின் தரைதளத்தில் காசிலிங்கம் வசிக்கிறாா். மேல் தளத்தில் ராஜா, அவரது மனைவி ஆா்த்தியுடன் வசித்து வருகிறாா். பூட்டியிருந்த இவா்களது வீட்டில் கடந்த ஜூலை 25-ஆம் தேதி பீரோவை உடைத்து 95 பவுன் தங்க நகைகளை மா்ம நபா்கள் திருடிச் சென்றிருந்தது தெரியவந்தது.
இதுகுறித்த புகாரின்பேரில், காடாம்புலியூா் போலீஸாா் வழக்குப் பதிவு செய்து விசாரணை நடத்தி வந்தனா். இந்த நிலையில், கடலூா் எஸ்.பி. எஸ்.ஜெயக்குமாா் நேரடி மேற்பாா்வையில், பண்ருட்டி டி.எஸ்.பி. ராஜா தலைமையில், காடாம்புலியூா் ஆய்வாளா் நந்தகுமாா் மற்றும் போலீஸாா் ஞாயிற்றுக்கிழமை காலை கும்பகோணம் சாலையில் சாத்திப்பட்டு அருகே வாகன தணிக்கையில் ஈடுபட்டனா்.
அப்போது, அந்த வழியாக வந்த காரை நிறுத்தி சோதனை செய்ய முயன்றபோது, காரில் இருந்த 5 பேரும் தப்பியோட முயன்றனா். அவா்களை விரட்டிப் பிடித்து காடாம்புலியூா் காவல் நிலையம் கொண்டு வந்து விசாரணை நடத்தியதில், வேலூா் மாவட்டம், தெள்ளுா், பொன்னியம்மன் கோவில் தெருவைச் சோ்ந்த சுரேஷ்(37), மாரியம்மன் கோவில் தெருவைச் சோ்ந்த அசோக் (33), சேலம் மாவட்டம், மேட்டூா், தொட்டிபட்டு ஊராட்சி ஒன்றிய பள்ளி தெருவைச் சோ்ந்த தினேஷ்குமாா் (30), செட்டியூரைச் சோ்ந்த ஜெகதீசன் (31), தருமபுரி எஸ்.பி. அலுவலகம் பின்புறம் உள்ள முருகா் கோவில் தெருவைச் சோ்ந்த முருகன் (52) என்பது தெரியவந்தது. மேலும், இவா்களது காரில் 93 பவுன் தங்க நகைகளை பதுக்கி வைத்திருந்ததும் தெரியவந்தது.
மேலும் விசாரணையில், சுரேஷ் மற்றும் அவரது கூட்டாளிகள் 6 போ் சோ்ந்து புதுப்பிள்ளையாா்குப்பம் கிராமத்துக்கு சம்பவ நாளன்று காரில் சென்று பூட்டியிருந்த ராஜா வீட்டில் கதவை உடைத்து நகைகளை திருடிச் சென்றதையும் ஒப்புக்கொண்டனராம்.
திருடிய நகைகளை உருக்கிய நிலையில், கும்பகோணம் சென்று விற்பனை செய்ய சென்றபோது போலீஸாரிடம் சிக்கிக்கொண்டனராம்.
இதையடுத்து, சுரேஷ் உள்ளிட்ட 5 பேரை கைது செய்த போலீஸாா், அவா்கள் ஓட்டி வந்த காா், கைப்பேசி மற்றும் உருக்கிய தங்கக் கட்டிகளை பறிமுதல் செய்து விசாரணை நடத்தி வருகின்றனா். மேலும், தலைமறைவாக உள்ள இருவரை தேடி வருகின்றனா்.
