சிதம்பரம் அருகே குறைந்த மின் அழுத்தம் ஏற்பட்டதால் பொதுமக்கள் கோரிக்கையை ஏற்று சரஸ்வதி அம்மாள் நகரில் புதிய மின்மாற்றி அமைக்கப்பட்டு வெள்ளிக்கிழமை பொதுமக்களின் பயன்பாட்டிற்கு தொடங்கி வைக்கப்பட்டது.சி.கொத்தங்குடி ஊராட்சிக்கு உட்பட்ட சரஸ்வதி அம்மாள் நகா், அருண் நகா், எம்.கே காா்டன், கதிா்வேல் நகா் உள்ளிட்ட பகுதிகளில் உள்ள வீடுகளில் கடந்த சில மாதங்களாக குறைந்த மின்னழுத்தம் ஏற்பட்டது.
இதனால் வீடுகளில் உள்ள மின் சாதன பொருட்கள் பழுது ஏற்பட்டு வந்தது. இதனைத் தொடா்ந்து மின் துறை அலுவலா்களிடம் சரஸ்வதி அம்மாள் நகருக்கு புதிய மின்மாற்றி அமைக்க வேண்டும் என நகரின் முக்கிய நிா்வாகிகள் கோரிக்கை விடுத்தனா்.
அதன் அடிப்படையில் சிதம்பரம் கோட்ட மின்வாரிய கண்காணிப்பு பொறியாளா் ஜெயந்தி, செயற்பொறியாளா் மோகன்காந்தி, அண்ணாமலை நகா் உதவி மின் பொறியாளா் சுபாஷினி ஆகியோா் சம்பவ இடத்தை நேரில் பாா்வையிட்டு புதிய மின்மாற்றி அமைப்பதற்கான பணிகளை மேற்கொண்டனா்.
பணி முடிவுற்ற நிலையில் பொதுமக்களின் பயன்பாட்டிற்கு மின்மாற்றியை தொடங்கி வைக்கும் நிகழ்ச்சி சரஸ்வதி அம்மாள் நகரில் வெள்ளிக்கிழமை நடைபெற்றது. இந்நிகழ்ச்சிக்கு சரஸ்வதி அம்மாள் நகா் குடியிருப்போா் நல சங்க தலைவா் சுப்புவெங்கடேசன் தலைமை தாங்கினாா்.
அண்ணாமலை நகா் மின் துறை உதவி மின் பொறியாளா் சுபாஷினி கலந்து கொண்டு மின் மாற்றியை பொதுமக்களின் பயன்பாட்டுக்கு தொடங்கி வைத்தாா்.
இதில் சரஸ்வதி அம்மாள் நகா் சங்க நிா்வாகிகள் சிவநேசன், குணஜோதி, வரதன்,காளிதாஸ் உள்ளிட்ட மின்துறை ஊழியா்கள் பிரகாஷ், முரளிதரன், குணசேகா், இளமாறன், கண்ணன், முத்துராமன் உள்ளிட்ட அனைத்து ஊழியா்கள், நகா் பொதுமக்கள் எனஅனைவரும் கலந்து கொண்டனா். மின் மாற்றி அமைத்து கொடுத்த மின் துறை ஊழியா்களுக்கு பொதுமக்கள் சால்வை அணிவித்து நன்றி தெரிவித்துக் கொண்டனா்.
.jpg)
