தஞ்சாவூர் அருகே குளத்தில் மூழ்கி உயிரிழந்த 3 சிறுவர்களின் குடும்பங்களுக்கு அரசு ...
குருகிராமில் பெய்த மழையின் போது தனித்தனி சம்பவங்களில் ஐந்து போ் இறந்தனா். அவா்களில் மூன்று போ் மின்சாரம் தாக்கி இறந்ததாக போலீஸாா் தெரிவித்தனா்.
தில்லியில் உள்ள விஸ்வாஸ் நகரைச் சோ்ந்த அக்ஷத் ஜெயின், குருகிராமில் உள்ள ஒரு தனியாா் நிறுவனத்தில் கிராஃபிக் டிசைனராக பணிபுரிந்தாா். புதன்கிழமை இரவு செக்டாா் 49- இல் உள்ள வாடிகா நகரில் உள்ள தனது அறைக்கு ஜிம்மில் இருந்து திரும்பிக் கொண்டிருந்தபோது, கசோலா கிராமத்திற்கு அருகிலுள்ள ஒரு மின் கம்பத்தில் மோதியதில் அவருக்கு அதிா்ச்சி ஏற்பட்டது.
அக்ஷத் ஜெயினை மீட்டு வழிப்போக்கா்கள் மருத்துவமனைக்கு கொண்டு சென்றனா். ஆனால், அங்கு அவா் இறந்துவிட்டதாக அறிவிக்கப்பட்டது. மின்சாரத் துறையின் அலட்சியம்தான் இதற்குக் காரணம் எனஅக்ஷத் ஜெயினின் குடும்பத்தினா் குற்றம் சாட்டியதை அடுத்து, குருகிராம் செக்டாா் 50 காவல் நிலையத்தில் வழக்குப் பதிவு செய்யப்பட்டது.
உத்தர பிரதேசத்தில் உள்ள ஃபரூக்காபாத்தில் வசிக்கும் பவன் குமாா், மழை பெய்து கொண்டிருந்தபோது ஜென்பேக்ட் சவுக்கைக் கடக்கும்போது, தற்செயலாக ஒரு மின் கம்பத்தைத் தொட்டதால் மின்சாரம் தாக்கியது.
சுக்ராலி கிராமத்தைச் சோ்ந்த அந்த நபா் மருத்துவமனைக்கு கொண்டு செல்லப்பட்டாா். ஆனால், அவரை காப்பாற்ற முடியவில்லை என்று போலீஸாா் தெரிவித்தனா்.
உத்தர பிரதேசத்தின் ஷாஜகான்பூரில் வசிக்கும் பிரசாந்த், நியூ காலனி பகுதியில் வசித்து வந்தாா். மழையில் அா்ஜுன் நகா் காலனியில் உள்ள தனது மாமாவின் மகனைப் பாா்க்கச் சென்றிருந்தாா். மோட்டாா்சைகிகிளில் இருந்து இறங்கி நடக்கத் தொடங்கியபோது, அவரது கால் அருகிலுள்ள கடையின் ஷட்டரைத் தொட்டது. மின்சாரம் உலோகத் தகடு வழியாகப் பாய்ந்ததால் அதிா்ச்சி ஏற்பட்டது. இதில் அவரும் இறந்தாா்.
வியாழக்கிழமை அதிகாலை 3 மணியளவில், தில்லி சா்வதேச விமான நிலையத்தில் பாதுகாப்புப் பணியாளராக இருந்த வான்ஷிகா, ஒரு பாதுகாப்பு காவலாளி மற்றும் ஒரு சக ஊழியருடன் ஒரு டாக்ஸியில் வீடு திரும்பிக் கொண்டிருந்தாா். அவரது சக ஊழியா், குருகிராம் செக்டாா் 10 அருகே உள்ள அவரது வீட்டில் இறங்கினாா். அவரை இறக்கிவிட்ட பிறகு, வான்ஷிகாவை வீட்டிற்கு இறக்கிவிட காண்ட்சா நோக்கி ஓட்டுநா் சென்றாா்.
ஆனால், மழை பெய்ததால், முன்னால் உள்ள சாலையைப் பாா்ப்பது கடினமாக இருந்தது. சாலைத் தடுப்பில் மோதியதில் காரில் இருந்த மூன்று பேரும் காயமடைந்து மருத்துவமனைக்கு கொண்டு செல்லப்பட்டனா். அங்கு வான்ஷிகா இறந்துவிட்டதாக அறிவிக்கப்பட்டது.
மழையில் இறந்த ஐந்தாவது நபா் உத்தரபிரதேசத்தின் கண்ணுவாஜைச் சோ்ந்த ஆட்டோ ஓட்டுநா் 27 வயதான சைலேந்திரா ஆவாா். சைலேந்திரா திறந்தவெளி சாக்கடையில் விழுந்து, மழைநீருக்கு அடியில் மறைந்து இறந்தாா்.
இந்தச் சம்பவம் புதன்கிழமை இரவு ஷீஷ்பால் விஹாரின் கேட்2 அருகே நடந்ததாக போலீஸாா் தெரிவித்தனா்.
அவரது மரணம் தொடா்பாக சதாா் காவல் நிலையத்தில் எஃப்.ஐ.ஆா். பதிவு செய்யப்பட்டுள்ளது.
