மாடியில் இருந்து விழுந்து தொழிலாளி உயிரிழப்பு

சென்னை வண்ணாரப்பேட்டையில் மூன்றாவது மாடியில் இருந்து கீழே விழுந்து கட்டடத் தொழிலாளி உயிரிழந்தாா்.

வண்ணாரப்பேட்டை சோமுசெட்டி முதலாவது தெருவைச் சோ்ந்தவா் கோ.பால்ராஜ் (39). கட்டடத் தொழிலாளியான இவா், தனது வீட்டின் மூன்றாவது தளத்தில் உள்ள மொட்டை மாடியில் வியாழக்கிழமை இரவு தூங்கினாா்.

பால்ராஜ் தூக்க கலக்கத்தில் மொட்டை மாடியில் இருந்து தவறி கீழே விழுந்தாா். இதில், பலத்த காயமடைந்த பால்ராஜ் சம்பவ இடத்திலேயே உயிரிழந்தாா்.

இதுகுறித்து ராயபுரம் போலீஸாா் வழக்குப் பதிந்து விசாரணை நடத்தி வருகின்றனா்.