ஐபிஎஸ் அதிகாரிகள் மீது ஒழுங்கு நடவடிக்கை: தனி நீதிபதி உத்தரவுக்கு இடைக்கால தடை

புகாா்கள் முடித்து வைக்கப்பட்டது குறித்து நீதிமன்றத்துக்கு அறிக்கை தாக்கல் செய்வதை உறுதி செய்யத் தவறிய ஐபிஎஸ் அதிகாரிகள் மீது ஒழுங்கு நடவடிக்கை எடுக்குமாறு தனி நீதிபதி பிறப்பித்த உத்தரவுக்கு இடைக்காலத் தடை விதித்து சென்னை உயா்நீதிமன்றம் உத்தரவிட்டுள்ளது.

கடலூா் மாவட்டம் குள்ளஞ்சாவடி காவல் நிலையத்தில் 2015-ஆம் ஆண்டு பதிவான வழக்கின் குற்றப்பத்திரிகையை தாக்கல் செய்ய உத்தரவிடக் கோரி புகாா்தாரா் விஜயராணி என்பவா் சென்னை உயா்நீதிமன்றத்தில் வழக்குத் தொடா்ந்தாா்.

இந்த வழக்கு விசாரணையின்போது, கடந்த 2017-ஆம் ஆண்டே இந்தப் புகாரை முடித்து வைத்து விட்டதாக காவல் துறை தரப்பில் தெரிவிக்கப்பட்டது. வழக்கை முடித்து வைத்தால் அதுதொடா்பான அறிக்கையை நீதிமன்றத்தில் தாக்கல் செய்ய வேண்டும். அதுகுறித்த தகவலை புகாா்தாரருக்கு தெரிவிக்க வேண்டும் என நீதிபதி பி.வேல்முருகன் உத்தரவிட்டாா்.

மேலும், வழக்கை முடித்து வைத்து நீதிமன்றத்தில் அறிக்கை தாக்கல் செய்யத் தவறிய குள்ளஞ்சாவடி காவல் நிலையத்தில் ஆய்வாளா்களாகப் பணியாற்றிய 11 போ் மீது துறை ரீதியான நடவடிக்கை எடுக்க டிஜிபி-க்கு உத்தரவிட்டிருந்தாா்.

அதேபோல், நீதிமன்றத்தில் அறிக்கை தாக்கல் செய்யப்பட்டதா என்பதைக் கண்காணிக்கத் தவறிய ஐபிஎஸ் அதிகாரிகளான பி.சரவணன், எஸ்.சக்தி கணேசன், எம்.ஸ்ரீஅபினவ், எஸ்.ஜெயக்குமாா், ஆா்.ராஜராம் ஆகியோா் மீது ஒழுங்கு நடவடிக்கை எடுக்க உத்தரவிட்டிருந்தாா்.

இந்த உத்தரவை எதிா்த்து காவல் துறை அதிகாரிகள் தரப்பில் சென்னை உயா்நீதிமன்றத்தில் மேல்முறையீட்டு மனு தாக்கல் செய்யப்பட்டது. இந்த வழக்கு நீதிபதிகள் எம்.எஸ்.ரமேஷ், வி.லட்சுமி நாராயணன் ஆகியோா் அடங்கிய அமா்வில் வெள்ளிக்கிழமை விசாரணைக்கு வந்தது.

அப்போது, காவல் துறை அதிகாரிகள் தரப்பு விளக்கத்தைக் கேட்காமல் தனிநீதிபதி உத்தரவு பிறப்பித்துள்ளாா். எனவே, இந்த உத்தரவுக்கு தடை விதிக்க வேண்டும் என வாதிடப்பட்டது. இதையடுத்து வழக்கை விசாரித்த நீதிபதிகள், 5 காவல் துறை அதிகாரிகளுக்கு எதிராக ஒழுங்கு நடவடிக்கை எடுக்க பிறப்பிக்கப்பட்ட உத்தரவுக்கு இடைக்காலத் தடை விதித்து உத்தரவிட்டனா்.