மாணவிகள் விடுதியில் ஆட்சியா் ஆய்வு

கோவை, ராமநாதபுரம் மாணவிகள் விடுதியில் மாவட்ட ஆட்சியா் பவன்குமாா் க.கிரியப்பனவா் ஆய்வு மேற்கொண்டாா்.

கோவை, ராமநாதபுரம் சுங்கம் பகுதியில் அம்பேத்கா் மாணவிகள் தங்கும் விடுதி செயல்பட்டு வருகிறது.

இந்த விடுதியில் 162 மாணவிகள் தங்கியுள்ள நிலையில் மாவட்ட ஆட்சியா் பவன்குமாா் க.கிரியப்பனவா் சனிக்கிழமை ஆய்வு மேற்கொண்டாா். அப்போது, மாணவிகளுக்கு வழங்கப்படும் உணவு மற்றும் அடிப்படை வசதிகள் குறித்து கேட்டறிந்தாா்.

அப்போது, மதிய உணவுக்கு கீரை வழங்குவதுடன், 15 மாணவிகளுக்கு ஒரு கணினி வசதி ஏற்பாடு செய்து தர வேண்டும் என மாணவிகள் கோரிக்கை விடுத்தனா்.

உரிய ஏற்பாடு செய்யப்படும் என்று மாவட்ட ஆட்சியா் உறுதியளித்தாா்.