மாநகராட்சி மேற்கு மண்டலத்தில் மரக்கன்றுகள் நடும் பணி

கோவை மாநகராட்சி, மேற்கு மண்டலத்தில் மரக்கன்றுகள் நடும் பணியை மாவட்ட ஆட்சியா் பவன்குமாா் க.கிரியப்பனவா் புதன்கிழமை தொடங்கிவைத்தாா்.

கோவை மாநகராட்சியின் 5 மண்டலங்களில் உள்ள 100 வாா்டுகளுக்கு உள்பட்ட பகுதிகளில் இயற்கை வளங்கள் மற்றும் சுற்றுச்சூழலைப் பாதுகாக்கும் வகையில் அதிக அளவிலான மரக்கன்றுகள் நடப்பட்டு, முறையாக பராமரிக்கப்பட்டு வருகின்றன.

இதில் மேற்கு மண்டலத்துக்கு உள்பட்ட 36 முதல் 40 வாா்டுகள் வரையிலான 5 வாா்டுகளில் வீரகேரளம் சாலை, கே.ஆா்.கே.நகா் உள்ளிட்ட பகுதிகளில் 2 ஆயிரம் மரக்கன்றுகள் நடும் பணியை மாவட்ட ஆட்சியா் பவன்குமாா் க.கிரியப்பனவா் புதன்கிழமை தொடங்கிவைத்தாா். மாநகராட்சி ஆணையா் மா.சிவகுரு பிரபாகரன் முன்னிலை வகித்தாா்.

இதில் வேம்பு, பூவரசன், மருதம், புங்கன், இலுப்பை, வாகை உள்ளிட்ட மரக்கன்றுகள் நடப்பட்டுள்ளன. இதைத் தொடா்ந்து, 39-ஆவது வாா்டுக்கு உள்பட்ட காயத்ரி காா்டன் பகுதியில் மரக்கன்றுகள் நடும் பணியை மாநகராட்சி ஆணையா் மா.சிவகுரு பிரபாகரன் தொடங்கிவைத்தாா்.

இதில் துணை மேயா் ரா.வெற்றிச்செல்வன், மேற்கு மண்டல குழுத்தலைவா் தெய்வயானை தமிழ்மறை, உதவி ஆணையா் துரைமுருகன், உதவி செயற்பொறியாளா் சவிதா மற்றும் மாநகராட்சி அலுவலா்கள் உடனிருந்தனா்.