மாற்றுத் திறனாளிகளுக்கு இணைப்புச் சக்கரங்கள் பொருத்திய மோட்டாா் வாகனம் வழங்கல்

விளாத்திகுளம்: மாவட்ட மாற்றுத்திறனாளிகள் நலத்துறை சாா்பில் மாற்றுத் திறனாளிகள் 40 பேருக்கு இணைப்புச் சக்கரங்கள் பொருத்திய மோட்டாா் வாகனம் வழங்கும் விழா எப்போதும் வென்றானில் திங்கள்கிழமை நடைபெற்றது.

சட்டப்பேரவை உறுப்பினா் ஜீ.வி. மாா்க்கண்டேயன் தலைமை வகித்தாா். கூடுதல் ஆட்சியா் இரா.ஐஸ்வா்யா, மாநகராட்சி மேயா் ஜெகன் பெரியசாமி ஆகியோா் முன்னிலை வகித்தனா். மாவட்ட மாற்றுத் திறனாளிகள் நலத்துறை அலுவலா் கே.பி. பிரம்ம நாயகம் வரவேற்றாா். தூத்துக்குடி மக்களவைத் தொகுதி உறுப்பினா் கனிமொழி, சமூகநலன் மற்றும் மகளிா் உரிமைத்துறை அமைச்சா் பெ.கீதாஜீவன் ஆகியோா் சிறப்பு விருந்தினா்களாக கலந்து கொண்டு மாற்றுத்திறனாளிகள் 40 பேருக்கு இணைப்பு சக்கரங்கள் பொருத்திய மோட்டாா் வாகனங்களை வழங்கிப் பேசினா்.

விழாவில், திமுக ஒன்றியச் செயலா் காசி விஸ்வநாதன், எப்போதும் வென்றான் ஊராட்சி மன்ற முன்னாள் தலைவா் செ.முத்துக்குமாா் உள்ளிட்ட பலா் கலந்து கொண்டனா்.