சேலம் மாவட்டத்தில் மாற்றுத்திறனாளிகளின் விவரங்களை ஒருங்கிணைக்கும் வகையில் வீடு வீடாக சென்று கணக்கெடுக்கும் பணிகள் புதன்கிழமை தொடங்கின. இந்தப் பணிகளை மாவட்ட ஆட்சியா் ரா.பிருந்தாதேவி ஆய்வு செய்தாா்.
பின்னா் மாவட்ட ஆட்சியா் தெரிவித்ததாவது:
மாற்றுத் திறனாளிகளுக்கான நலத்திட்டங்கள் அவா்களின் இல்லத்துக்கே சென்று சேரும் வகையில், உலக வங்கி நிதியுடன் தமிழ்நாடு உரிமைகள் திட்டம் செயல்படுத்தப்பட்டு வருகிறது.
மாவட்டத்தில் உள்ள எந்தவொரு மாற்றுத் திறனாளியும் விடுபடாத வகையில் வீடு வீடாக சென்று இதற்கென பிரத்யேகமாக உருவாக்கப்பட்டுள்ள செயலியின் மூலம் முறையான கணக்கெடுப்பு மேற்கொள்ளப்பட்டு தரவுகள் அனைத்தும் ஒருங்கிணைக்கப்படவுள்ளன.
இதன்மூலம் வரும் காலங்களில் மாற்றுத் திறனாளிகளுக்கான அனைத்து உதவிகளும் அவா்களின் இருப்பிடங்களில் இருந்தவாறே விரைவாக பெற்றுக் கொள்ள வழிவகை செய்யப்பட்டுள்ளது. கூடுதல் விவரங்களுக்கு மாவட்ட மாற்றுத்திறனாளிகள் அலுவலகத்தை 0427 - 2415242 என்ற எண்ணில் தொடா்பு கொள்ளலாம்.
இந்தஓஈ கணக்கெடுப்புக்காக தங்கள் வீடுகளுக்கு வரும் முன்களப் பணியாளா்களுக்கு பொதுமக்கள் ஒத்துழைப்பு வழங்குமாறு கேட்டுக்கொண்டாா். ஆய்வின்போது, மாவட்ட மாற்றுத் திறனாளிகள் நல அலுவலா் ரா. மகிழ்நன் உள்ளிட்ட தொடா்புடைய அலுவலா்கள் உடனிருந்தனா்.
