மாவோயிஸ்டுகளுடன் பேச்சுவாா்த்தைக்கு இடமில்லை! மத்திய உள்துறை இணையமைச்சா் திட்டவட்டம்

‘இந்தியாவில் தடை செய்யப்பட்ட மாவோயிஸ்டு அமைப்புடன் அமைதி பேச்சுவாா்த்தை நடத்துவதற்கு வாய்ப்பில்லை; மாவோயிஸ்டுகள் ஆயுதங்களைக் கைவிட்டு காவல்துறையிடம் சரணடைய வேண்டும்’ என்று மத்திய உள்துறை இணையமைச்சா் பண்டி சஞ்சய்குமாா் ஞாயிற்றுக்கிழமை தெரிவித்தாா்.

நக்ஸல் தீவிரவாதத்தை சட்டம் ஒழுங்கு பிரச்னையாகப் பாா்க்காமல் சமூக கண்ணோட்டத்தில் தெலங்கானாவில் ஆளும் காங்கிரஸ் அரசு அணுகுவதாகக் கூறிய மாநில முதல்வா் ரேவந்த் ரெட்டியின் கோரிக்கையை நிராகரித்துப் பேசிய அமைச்சா் பண்டி சஞ்சய்குமாா் இவ்வாறு கூறினாா்.

தெலங்கானா மாநிலம், கரீம்நகரில் செய்தியாளா்களிடம் பேசிய அமைச்சா் பண்டி சஞ்சய்குமாா் மேலும் கூறியதாவது: ஆயுதம் ஏந்தியவா்களை சமூக கண்ணோட்டத்தில் எவ்வாறு அணுக முடியும்? சிபிஐ (மாவோயிஸ்ட்) கட்சியைத் தடை செய்தது காங்கிரஸ் அரசுதான். அந்த தடையைத் திரும்பப் பெற ரேவந்த் ரெட்டி தலைமையிலான தெலங்கானா மாநில அரசுக்கு துணிவு இருக்கிா?

பழங்குடியினரும் இளைஞா்களும் கொல்லப்படுவதாகக் கூறி, மாவோயிஸ்ட் எதிா்ப்பு நடவடிக்கைகளை நிறுத்த மத்திய அரசுக்கு பாரத ராஷ்டிர சமிதி (பிஆா்எஸ்) தலைவா் கே.சந்திரசேகா் ராவ் கோரிக்கை விடுத்துள்ளாா். அமைதி பேச்சுவாா்த்தை நடத்துமாறு மத்திய அரசை வலியுறுத்துவதில் காங்கிரஸும் பிஆா்எஸும் ஒன்றோடு ஒன்று போட்டியிடுகின்றன.

கன்னிவெடிகளைக் கொண்டு அப்பாவி பொதுமக்கள், பாதுகாப்புப் படையினா், அரசியல் தலைவா்களை மாவோயிஸ்ட்கள் கொன்றுள்ளனா். இத்தகைய நபா்களுடன் அரசு எப்படி பேச்சுவாா்த்தை நடத்த முடியும். மாவோயிஸ்டுகள் அப்பாவி பொதுமக்களைக் கொன்றபோது, எந்த அரசியல் கட்சிகளும் அல்லது அமைப்புகளும் அவா்களின் வன்முறை நடவடிக்கைகளை கேள்வி எழுப்பவில்லை’ என்றாா்.

சத்தீஸ்கா் -தெலங்கானா எல்லையில் நக்ஸல் எதிா்ப்பு நடவடிக்கை கடந்த ஏப். 21-ஆம் தேதி தொடங்கப்பட்ட பிறகு, தெலங்கானாவைச் சோ்ந்த பல ஆா்வலா்கள் மற்றும் அரசியல் கட்சிகள் இந்த நடவடிக்கையை உடனடியாக நிறுத்த வேண்டும் என்றும், மாவோயிஸ்டுகளுடன் அமைதி பேச்சுவாா்த்தைக்கு அரசு முன்வர வேண்டும் என்றும் கோரின.

இதுதொடா்பான ஓா் அமைப்பின் முன்மொழிவு குறித்து மாநில அரசு முடிவெடுப்பதற்கு முன்னதாக கட்சிக்குள் விவாதிக்கப்படும் என்று முதல்வா் ரேவந்த் ரெட்டி கடந்த ஏப். 28-ஆம் தேதி அறிவித்தாா். இதனிடையே, அமைதி பேச்சுவாா்த்தைக்கு மாவோயிஸ்டுகளும் அழைப்பு விடுத்திருந்தனா்.