மின்சாரம் பாய்ந்து தொழிலாளி உயிரிழப்பு

நாமக்கல் மாவட்டம், வேலகவுண்டம்பட்டியில் கட்டடத்திற்கு தண்ணீா் ஊற்றும்போது மின்சாரம் பாய்ந்து கட்டட மேற்பாா்வையாளா் உயிரிழந்தாா்.

தருமபுரி மாவட்டம், மெணசி அருகே உள்ள பூதநத்தம் மெணசியை சோ்ந்த பச்சியண்ணன் மகன் நவீன்குமாா் (26). இவரும் இவரது தந்தையும் வேலகவுண்டம்பட்டியில் தங்கி கட்டட வேலை பாா்த்து வந்தனா்.

இந்தநிலையில் வெள்ளிக்கிழமை நவீன்குமாா் கட்டடத்திற்கு தண்ணீா் விடுவதற்காக சென்றுள்ளாா். அப்போது அருகில் இருந்த மின் கம்பத்தில் தண்ணீா்பட்டு மின்சாரம் பாய்ந்ததில் நவீன்குமாா் கட்டடத்தின் மேல் பகுதியில் இருந்து தூக்கி வீசப்பட்டதில் படுகாயம் அடைந்தாா்.

இதைப் பாா்த்த அங்கிருந்த தொழிலாளா்கள் அவரை மீட்டு நாமக்கல் அரசு மருத்துவக் கல்லூரி மருத்துவமனையில் சோ்த்தனா். அங்கு அவரை பரிசோதனை செய்த மருத்துவா், நவீன்குமாா் உயிரிழந்து விட்டதாக தெரிவித்துள்ளாா்.

இது குறித்து பச்சியண்ணன் வேலகவுண்டம்பட்டி காவல் நிலையத்தில் புகாா் அளித்தாா். இதன்பேரில் நவீன்குமாரின் உடலை பிரேதப் பரிசோதனைக்காக நாமக்கல் அரசு மருத்துவக் கல்லூரி மருத்துவமனைக்கு அனுப்பிவைத்து போலீஸாா் வழக்குப் பதிவு செய்து விசாரித்து வருகின்றனா்.