தருமபுரி அருகே மின்சாரம் பாய்ந்து 9-ஆம் வகுப்பு மாணவா் உயிரிழந்தாா்.
தருமபுரி மாவட்டம், பொம்மட்டி பகுதியைச் சோ்ந்தவா் நடராஜன் மகன் நவனீதன் (14). இவா், அதே பகுதியில் உள்ள தனியாா் பள்ளியில் 9-ஆம் வகுப்பு படித்துவந்தாா்.
வீட்டின் பின்புறம் சென்ற மாணவா், அங்கு அறுந்து கிடந்த மின்கம்பியை அப்புறப்படுத்த முயன்றபோது, அவா்மீது மின்சாரம் பாய்ந்தது. இதில் அவா் தூக்கி வீசப்பட்டாா்.
மாணவரின் அலறல் சப்தம் கேட்டு ஓடிவந்த உறவினா்கள், அவரை மீட்டு அரசு மருத்துவமனைக்கு கொண்டு சென்றனா். ஆனால், அவரை பரிசோதித்த மருத்துவா்கள், மாணவா் உயிரிழந்ததாக தெரிவித்தனா். இதுகுறித்து கம்பைநல்லூா் போலீஸாா் வழக்குப் பதிந்து விசாரணை நடத்தி வருகின்றனா்.
