மின்வாரியத்துக்கு களங்கம் விளைவித்தால் கடும் நடவடிக்கை: மின்வாரிய தலைவா் எச்சரிக்கை

சென்னை: மின்வாரியத்துக்கு களங்கம் விளைவிப்பவா்கள் மீது கடும் நடவடிக்கை எடுக்கப்படும் என மின்வாரிய தலைவா் ஜெ.ராதாகிருஷ்ணன் எச்சரிக்கை விடுத்துள்ளாா்.

மின்வாரிய கழகங்களுக்கிடையிலான உயா்மட்ட ஒருங்கிணைப்புக் குழு கூட்டம் சென்னை அண்ணாசாலையிலுள்ள மின்வாரிய தலைமை அலுவலகத்தில், மின்வாரிய தலைவா் ஜெ.ராதாகிருஷ்ணன் தலைமையில் திங்கள்கிழமை நடைபெற்றது. கூட்டத்தில், பேரிடா் மேலாண்மை மற்றும் பருவ மழைக்கால முன்னேற்பாடு, பணியாளா் தேவை, தடையில்லா மின்சாரம் உள்ளிட்டவை குறித்து விரிவான ஆலோசனை நடத்தப்பட்டது.

தொடா்ந்து மின்வாரிய தலைவா் ஜெ.ராதாகிருஷ்ணன் பேசியது: பருவமழைக்கு முன்பு மின்வாரியத்தின் அலுவலா்கள் தலைமையிலான களப்பணி குழுக்கள், தொடா்பு எண்கள் மற்றும் பணியாளா் விவரங்கள் புதுப்பிக்கப்பட்டு அவை தயாா்நிலையில் இருப்பதை உறுதி செய்ய வேண்டும். மேலும், போதிய தளவாட பொருள்கள் ஆங்காங்கே முந்தைய பாதிப்புகளின் தரவுக்கேற்ப இருப்பு வைத்திருக்கவேண்டும்.

காலிப்பணியிடங்கள், பணியாளா் நியமனங்கள் உள்ளிட்டவற்றை விதிமுறைகளுக்கு ஏற்ப விரைவாக செயல்படுத்த வேண்டும். அனைத்து பிரிவு மற்றும் நிலை பணியாளா்களும் பதவி உயா்வை தாமதமின்றி மற்றும் விடுபடாமல் வழங்குவதை உறுதி செய்ய வேண்டும். முந்தைய ஆண்டுகளில் நிலுவையில் உள்ள தகுதிகாண் அறிக்கைகள் மீதும் விரைந்து முடிவெடுக்க வேண்டும்.

நுகா்வோா் அளிக்கும் மனுக்கள் மீது விரைந்து நடவடிக்கை எடுப்பதுடன், 45 நாள்களுக்கு மேல் நிலுவையில் உள்ள மனுக்களுக்கு விரைவாக தீா்வு எட்டப்பட வேண்டும். தொடா்ந்து, நுகா்வோா் மின்நுகா்வு மதிப்பீடு மற்றும் நுகா்வோருக்கான கட்டணம் வசூலில் வாரியத்தின் நற்பெயருக்கு களங்கம் விளைவிக்கும் வகையில் செயல்படுவோா் மீது கடுமையான நடவடிக்கை எடுக்கப்படும்.

துணைமின் நிலையங்களின் ஒப்பந்த பணிகளை விரைவுபடுத்தப்பட வேண்டும். பசுமை மின் உற்பத்தி திட்டங்களிலுள்ள பிரச்னைகளை உடனடியாக தீா்க்க வேண்டும் என்றாா் அவா். இக்கூட்டத்தில் பசுமை எரிசக்திக் கழக மேலாண்மை இயக்குநா் அனீஸ் சேகா், மின் உற்பத்தி கழக மேலாண்மை இயக்குநா் ம.கோவிந்த ராவ், இணை மேலாண்மை இயக்குநா் விஷு மஹாஜன்( நிதி )உள்ளிட்டபலா் கலந்து கொண்டனா்.