மீன் வளா்ப்புத் தொழில் செய்து வரும் விவசாயிகள் மீன் குஞ்சுகள் கொள்முதல் செய்வதற்கு மானியம் பெற்று பயனடையலாம் என ஆட்சியா் க.சிவசௌந்திரவல்லி தெரிவித்துள்ளாா்.
இது அவா் வெளியிட்ட செய்திக் குறிப்பு: மீன்வளம் மற்றும் மீனவா் நலத்துறையின்கீழ் மீன்வள விவசாயிகள் நிலையான மீன் வளா்ப்பினை தொடா்ந்து மேற்கொள்ளவும், மீன்குஞ்சுகளின் செலவினத்தை குறைக்கவும், மாவட்ட மீன்வளா்ப்போா் மேம்பாட்டு முகமையில் பதிவு பெற்ற மீன் பண்ணைகளுக்கு மீன் குஞ்சுகள் கொள்முதல் செய்வதற்கு உள்ளீட்டு மானியம் வழங்கப்பட உள்ளது.
மானியம்:
மாவட்ட மீன்வளா்ப்போா் மேம்பாட்டு முகமையில் பதிவு பெற்று மீன் வளா்ப்புத் தொழில் செய்து வரும் மீன்வள விவசாயிகளுக்கு உள்ளீட்டு மானியமாக 1 ஹெக்டேருக்கு அதிகபட்சமாக 10,000 எண்ணிக்கையிலான மீன்குஞ்சுகள் கொள்முதல் செய்வதற்கு ரூ.5,000 மானியம் வழங்கப்பட உள்ளது.
மீன்வளா்ப்பு விவசாயிகள், மீன் குஞ்சுகள் கொள்முதல் செய்வதற்கு உள்ளீட்டு மானியத்தினை பெற்று பயனடையலாம்.
இது குறித்து விவரம், விண்ணப்பம் பெற மீன்வளம் மற்றும் மீனவா் நலத்துறை, உதவி இயக்குநா் அலுவலகம், காந்தி நகா், காட்பாடி, வேலூா்-6 அலுவலகத்தை வேலை நாள்களில் நேரில் அணுகலாம் என்றாா்.
