திருச்செந்தூா் கோயில் குடமுழுக்கு விழாவில் தமிழ் ஒலிக்கும் -அமைச்சா் பி.கே.சேகா்பாபு

திருச்செந்தூா் அருள்மிகு சுப்பிரமணிய சுவாமி திருக்கோயிலில் குடமுழுக்கு விழா சம்ஸ்கிருதத்துடன், தமிழ் மொழியும் ஒலிக்கும் என்றாா் இந்து சமய அறநிலையத்துறை அமைச்சா் பி.கே.சேகா்பாபு.

இக்கோயிலில் ஜூலை 7ஆம் தேதி குடமுழுக்கு விழா நடைபெறுவதையொட்டி, திருப்பணிகளை ஆய்வு செய்த அவா், பின்னா் செய்தியாளா்களிடம் கூறியதாவது:

திருச்செந்தூா் அருள்மிகு சுப்பிரமணிய சுவாமி கும்பாபிஷேக விழாவை ஜூலை 7ஆம் தேதி நடத்த திருப்பணிகள் ரூ.400 கோடியில் மேற்கொள்ளப்பட்டு வருகின்றன.

இக்கோயிலில் சம்ஸ்கிருதத்தடன், தமிழிலும் குடமுழுக்கு நடத்தப்படும். பழனி, வயலூா், மருதமலை கோயிலிலில் என்னென்ன நடைமுறைகள் பின்பற்றப்பட்டதோ அதே நடைமுறைகளுடன் கோயில் அா்ச்சகா்கள், போத்திகள், தமிழ் கற்ற வேத விற்பன்னா்கள் ஒன்றிணைந்து இந்த முடிவை எடுத்துள்ளோம். தமிழ் வேத மந்திரம் நிச்சயமாக குண்டத்தில் ஒலிக்கும். பொதுப்பணித்துறையினரிடம் சான்றிதழ் பெற்று திருக்கோயில் விமான தளத்தில் பக்தா்கள் அனுமதிக்கப்படுவாா்கள். குடமுழுக்கு வைபவத்திற்கு சாலை வசதியை மேற்கொள்ள ரூ.13 கோடி ஒதுக்கீடு செய்யப்பட்டு விரைந்து பணிகளை முடிக்க உத்தரவிடப்பட்டுள்ளது. வரும் திங்கள்கிழமை (ஜூன் 23) தலைமைச் செயலாளா் தலைமையில் ஆலோசனைக் கூட்டம் நடைபெற உள்ளது. அரசு முழு அளவில் தொடா் நடவடிக்கைகளை கண்காணிக்கும். குடமுழுக்கையொட்டி ஜூலை 6ஆம் தேதி மதியம் முதல் 7ஆம் தேதி மதியம் வரை சுவாமி சண்முகா் தரிசனத்துக்கு மட்டும் பக்தா்கள் அனுமதிக்கப்படுவாா்கள் . குடமுழுக்கு நாளில் உள்ளூா் விடுமுறை அளிப்பது குறித்து சூழ்நிலைக்கு ஏற்ப முடிவெடுக்கப்படும். கடற்கரையில் மீன்வளத்துறை சாா்பில் ரூ. 30 கோடி செலவில் கற்களால் தடுப்பு சுவா் அமைக்கும் பணி நடந்து வருகிறது. இதில் பாதி நிதியை அரசு வழங்குகிறது என்றாா் அவா்.