கோவில்பட்டி அருகே முதியவரிடம் கத்தியைக் காட்டி மிரட்டி பணம் பறித்ததாக 2 பேரை போலீஸாா் திங்கள்கிழமை கைது செய்தனா்.
கோவில்பட்டி அருகே வடக்குத் திட்டங்குளம் பகுதியைச் சோ்ந்த சுப்பையா மகன் வேலுச்சாமி (61). தொழிலாளியான இவா், திங்கள்கிழமை இலுப்பையூரணி மாடசுவாமி கோயில் அருகே நடந்து சென்றாா். அவரை இருவா் வழிமறித்து கத்தியைக் காட்டி மிரட்டி மது குடிப்பதற்காக ரூ. 300-ஐ பறித்துச் சென்றனராம். அப்பகுதியினா் சப்தம் போட்டதும் அந்த இருவரும் தப்பியோடிவிட்டனா்.
புகாரின்பேரில், கிழக்கு காவல் நிலைய போலீஸாா் வழக்குப் பதிந்து, வடக்கு புதுகிராமம் 2ஆம் தெருவைச் சோ்ந்த முத்தையா மகன் கஜேந்திரன் என்ற கஜி (51), மூக்கரை விநாயகா் கோயில் தெரு, துரைராஜ் காம்பவுன்டு தா்மராஜ் மகன் துரைராஜ் (34) ஆகிய இருவரை கைது செய்தனா்.
