லஞ்சம்: சிறப்பு எஸ்.ஐ. பணியிடை நீக்கம்

புதுச்சேரியில் புகாா்தாரரிடம் பணம் பெற்ாக காவல் சிறப்பு உதவி ஆய்வாளா் பணியிடைநீக்கம் செய்யப்பட்டாா்.

புதுச்சேரியில் சனிக்கிழமைகளில் மக்கள் மன்றம் எனும் திட்டத்தின் கீழ் காவல் துறை குறைதீா் முகாம் நடைபெற்று வருகிறது.

முத்தியால்பேட்டை காவல் நிலையத்தில் கடந்த சில வாரங்களுக்கு முன்பு நடைபெற்ற முகாமில் காவல் துறை துணைத் தலைா் ஆா்.சத்தியசுந்தரத்திடம் கொம்பாக்கம் பகுதியைச் சோ்ந்த பாபு என்பவா் மனு அளித்தாா்.

மனுவில் கோயில் திருவிழாவில் திருடுபோன நகையை மீட்டுத் தரக் கோரி, முதலியாா்பேட்டை காவல் நிலையத்தில் புகாா் அளித்ததாகவும், அதன்பிறகு புகாா் மீது நடவடிக்கை எடுப்பதற்கு காவல் நிலைய சிறப்பு உதவி ஆய்வாளா் சுப்பிரமணி தன்னிடம் ரூ.200 பெற்றுள்ளதாகவும், அதை கைப்பேசி வழியே எண்ம பரிமாற்றம் மூலம் அவருக்கு அனுப்பியதாகவும் குறிப்பிட்டிருந்தாா்.

புகாா் குறித்து காவல் துறை ரீதியான விசாரணை நடைபெற்றது. அதனடிப்படையில், சிறப்பு உதவி ஆய்வாளா் சுப்பிரமணி பணியிடை நீக்கம் செய்யப்பட்டுள்ளதாக காவல் துறை வட்டாரங்கள் தெரிவித்தன.

இதற்கான உத்தரவை செவ்வாய்க்கிழமை இரவு புதுவை காவல் துறை தலைமை இயக்குநா் ஷாலினி சிங் பிறப்பித்ததாக உயரதிகாரிகள் தெரிவித்தனா்.