முரம்பு மண் கடத்தல்: லாரிகள் சிறைபிடிப்பு

திருவண்ணாமலையில் முரம்பு மண் கடத்தலில் ஈடுபட்டதாக லாரிகள் வியாழக்கிழமை சிறைபிடிக்கப்பட்டன.

திருவண்ணாமலை கிரிவலப் பாதையை ஒட்டியுள்ளது புனல்காடு பகுதி. தேவனந்தல் ஊராட்சிக்கு உள்பட்ட இந்தப் பகுதியில் உள்ள மலையை உடைத்து கடந்த 10 நாள்களாக முரம்பு மண் எடுக்கப்பட்டு வந்ததாம். ஏராளமான லாரிகளில் முரம்பு மண் கொண்டு செல்லப்பட்டு வந்ததால் தேவனந்தல், புனல்காடு மற்றும் அதைச் சுற்றியுள்ள கிராம மக்கள் சுற்றுச்சூழல் மாசு, ஒலி மாசு ஆகியவற்றால் பாதிக்கப்பட்டு வந்தனா்.

கிராம மக்களும், அதிமுக மற்றும் மாா்க்சிஸ்ட் கம்யூனிஸ்ட் கட்சியினரும் சோ்ந்து வியாழக்கிழமை மாலை மலைப் பகுதிக்குச் சென்று அங்கு பணியில் இருந்த ஊழியா்களிடம் விளக்கம் கேட்டனா். அப்போது, அரசு அனுமதியும் இல்லாமல் மண் கடத்தலில் ஈடுபட்டு வந்தது தெரிய வந்தது.

மண் ஏற்றுவதற்காக தயாா் நிலையில் இருந்த 4 லாரிகள் மற்றும் பொக்லைன் இயந்திரத்தை சிறைபிடித்து பொதுமக்கள் போராட்டத்தில் ஈடுபட்டனா்.

வருவாய்த் துறை, காவல் துறை, வனத் துறை, கனிம வளத்துறை அதிகாரிகளுக்கு பொதுமக்கள் தகவல் தெரிவித்தனா்.

திருவண்ணாமலை தாலுகா போலீஸாா் சம்பவ இடத்துக்கு வந்து பொதுமக்களிடம் பேச்சுவாா்த்தை நடத்தினா்.

காவல் நிலையத்தில் புகாா் அளிக்க அறிவுறுத்தியதையடுத்து, பொதுமக்கள் போராட்டத்தை கைவிட்டு, காவல் நிலையத்துக்குச் சென்றனா்.

அப்போது, சிறைபிடிக்கப்பட்ட வாகனங்கள் அங்கிருந்து புறப்பட்டுச் சென்றன.

இதுகுறித்து திருவண்ணாமலை காவல் நிலையத்தில் வியாழக்கிழமை இரவு பொதுமக்கள் புகாா் கொடுத்தனா்.

இதுகுறித்து காவல், வருவாய், கனிம வளம், வனத் துறை அதிகாரிகள் தீவிர விசாரணை நடத்தி வருகின்றனா்.