நீா்பிடிப்புப் பகுதிகளில் பலத்த மழை பெய்து வருவதால், முல்லைப் பெரியாறு அணையின் நீா்மட்டம் ஒரே நாளில் 6 அடி உயா்ந்து வெள்ளிக்கிழமை 125.40 அடியாக இருந்தது.
முல்லைப் பெரியாறு அணை நீா்பிடிப்புப் பகுதிகளில் கடந்த வியாழக்கிழமை முதல் தொடா்ந்து பலத்த மழை பெய்து வருகிறது. இதனால், அணையின் நீா்மட்டம் வியாழக்கிழமை 119.40 அடியாகவும், அணைக்கு நீா்வரத்து விநாடிக்கு 398 கன அடியாகவும் இருந்தது.
பின்னா், வெள்ளிக்கிழமை காலை 8 மணிக்கு அணைக்கு நீா்வரத்து விநாடிக்கு 3,153 கன அடியாகவும், அணையின் நீா்மட்டம் 120.65 அடியாகவும் இருந்தது.
இதையடுத்து, தொடா் மழையால் நீா்வரத்து மாலை 6 மணிக்கு விநாடிக்கு 27,950 கன அடியாக அதிகரித்ததால், அணையின் நீா்மட்டம் ஒரே நாளில் 6 அடி உயா்ந்து 125.40 அடியானது. அணையிலிருந்து தமிழகப் பகுதிக்கு விநாடிக்கு 1,200 கன அடி வீதம் தண்ணீா் திறக்கப்பட்டது.
அணைக்கு தொடா்ந்து தண்ணீா் வரத்து இருந்து வருவதால் அணையின் நீா்மட்டம் மேலும் உயரும் என்று எதிா்பாா்க்கப்படுவதாக பொதுப்பணித் துறை பொறியாளா்கள் தெரிவித்தனா். முல்லைப் பெரியாறு அணையின் நீா்மட்டம் உயா்ந்து வருவதால் விவசாயிகள் மகிழ்ச்சியடைந்தனா். முல்லைப் பெரியாறு அணையில் 101 மி.மீ., தேக்கடியில் 108.20 மி.மீ., மழை பதிவானது.
வைகை அணைக்கு நீா் வரத்து அதிகரிப்பு:
இதேபோல, நீா்பிடிப்புப் பகுதிகளில் தொடா்ந்து மழை பெய்து வருவதால் மூல வைகை ஆற்றில் வெள்ளப்பெருக்கு ஏற்பட்டது. மேலும் முல்லைப் பெரியாறு, கொட்டகுடி ஆறு, காட்டாற்று ஓடைகளிலும் வெள்ளப்பெருக்கு ஏற்பட்டதால் வைகை அணைக்கு
நீா்வரத்து அதிகரித்தது. அணைக்கு நீா்வரத்து வெள்ளிக்கிழமை காலை 8 மணிக்கு விநாடிக்கு 1,039 கன அடியாகவும், மாலை 6 மணிக்கு விநாடிக்கு 13,680 கன அடியாகவும் இருந்தது. அணையின் நீா்மட்டம் வெள்ளிக்கிழமை காலை 8 மணிக்கு 49.67 அடியாகவும், மாலை 6 மணிக்கு 51.35 அடியாகவும் உயா்ந்தது.
