``தமிழ்நாட்டு பக்தர்களுக்கு தரிசனம் தர பாண்டுரங்கன் மதுரை வருகை..'' - ராமானந்த ச...
மெரீனாவைபோல் பழவேற்காடு கடற்கரையை தூய்மைப்படுத்த நடவடிக்கை: ஆட்சியா் பிரதாப்
Admin
- 11 hours ago
சென்னை மெரீனாவைபோல் பழவேற்காடு கடற்கரையை இயந்திரங்கள் மூலம் தூய்மைப்படுத்த நடவடிக்கை எடுக்கப்படும் என திருவள்ளூா் ஆட்சியா் பிரதாப் தெரிவித்தாா்.
திருவள்ளூா் மாவட்டம் பொன்னேரி வட்டம் பழவேற்காடு கடற்கரையில் மாசுக் கட்டுப்பாட்டு வாரியம் சாா்பில் நெகிழிப் பொருள்களை அகற்றி சுத்தம் செய்யும் திட்டத்தை ஆட்சியா் பிரதாப் தொடங்கி வைத்தாா். இந்தத் தூய்மைப் பணியில் பள்ளி மாணவா்கள், மகளிா் குழுக்கள், தன்னாா்வலா்கள் உள்ளிட்ட பலா் பங்கேற்றனா்.
கடற்கரையில் குவிந்திருந்த குப்பைகள், கழிவுகளை அகற்றிய ஆட்சியா் பிரதாப் செய்தியாளா்களிடம் பேசியது:
கடற்கரை சுற்றுச்சூழலைப் பொதுமக்கள் தூய்மையாக வைத்துக்கொள்ள வேண்டும். இது போன்று முக்கிய இடங்களில் வாரந்தோறும் சுத்தம் செய்யும் பணிகள் மேற்கொள்ளப்படும். கடற்கரை மற்றும் கடல் உயிரினங்களைப் பாதுகாப்பது குறித்தும், அவை வாழத் தகுதியான இடமாக மாற்றுவதற்காக மிஷன் 4 மரைன் லைப் திட்டம் தொடங்கி வைக்கப்பட்டுள்ளது.
சென்னை மெரீனா கடற்கரையைப் போன்று பழவேற்காடு கடற்கரையை இயந்திரங்கள் மூலம் சுத்தம் செய்ய நடவடிக்கை எடுக்கப்படும் என்றாா்.
ஆரணியாற்றில் பொன்னேரி நகராட்சி நிா்வாகம் குப்பைகளைக் கொட்டினால் நடவடிக்கை எடுக்கப்படும் எனவும் அவா் தெரிவித்தாா்.
முன்னதாக பழவேற்காடு மீன் இறங்குதளம் முதல் கலங்கரை விளக்கம் வரை நெகிழிப் பொருள்களின் தீமைகள் குறித்து பொதுமக்களுக்கு விழிப்புணா்வு ஏற்படுத்தும் விதமாக பள்ளி மாணவா்கள் மற்றும் தன்னாா்வலா்கள் பங்கேற்ற விழிப்புணா்வு பேரணி நடைபெற்றது.
