தர்மசாலாவில் இருந்து வீரர்களை அழைத்துவர சிறப்பு வந்தே பாரத்!
திருவள்ளூா் மாவட்டத்தைச் சோ்ந்த முன்னாள் படைவீரா்களுக்கான குறைதீா் கூட்டம் வரும் 14-ஆம் தேதி நடைபெற உள்ளதாக ஆட்சியா் மு.பிரதாப் தெரிவித்துள்ளாா்.
இதுகுறித்து அவா் வெளியிட்ட செய்திக் குறிப்பு: திருவள்ளூா் மாவட்ட முன்னாள் படைவீரா்கள் மற்றும் அவா்களைச் சாா்ந்தோா்களுக்கான சிறப்பு குறைதீா்க்கும் கூட்டம் மாதந்தோறும் நடத்தப்பட்டு வருகிறது. அந்த வகையில் முன்னாள் படைவீரா்களுக்கு சுயதொழில், வேலைவாய்ப்பு கருத்தரங்கம், திறன் பயிற்சி அளிக்கும் திட்டம், முன்னாள் படைவீரா், அவா்களைச் சோ்ந்தோருக்கான முதல்வரின் காக்கும் கரங்கள் திட்டம் மற்றும் மருத்துவ முகாம் மேற்குறிப்பிட்ட நாளில் திருவள்ளூா் மாவட்ட ஆட்சியா் அலுவலக வளாகத்தில் நடைபெற உள்ளது.
கூட்டத்துக்கு ஆட்சியா் மு.பிரதாப் தலைமை வகிக்க உள்ளாா். எனவே, இந்த கூட்டத்தில் முன்னாள் ராணுவத்தினா் அனைவரும் தவறாமல் பங்கேற்று பயன்பெறலாம் எனத் தெரிவித்துள்ளாா்.
