மே மாதத்திற்கான சிறந்த வீரராக மெஸ்ஸி தேர்வு..! ரசிகர்கள் மகிழ்ச்சி!

இன்டர் மியாமி வீரர் லியோனல் மெஸ்ஸி மே மாதத்திற்கான சிறந்த வீரர் விருதை வென்றுள்ளார்.

ஆர்ஜென்டீனாவைச் சேர்ந்த லியோனல் மெஸ்ஸி (37) இன்டர் மியாமி அணிக்காக 2023 முதல் விளையாடி வருகிறார்.

மெஸ்சி அசத்தலால் கடந்த சீசனில் முதல்முறையாக எம்எல்எஸ் தொடரில் இன்டர் மியாமி அணி சப்போர்டர்ஸ் ஷீல்டு விருது வென்றது. அதனால், கிளப் உலகக் கோப்பைக்கும் தகுதி பெற்றுள்ளது.

இந்தமுறையும் இன்டர் மியாமி அணியில் மெஸ்ஸி கேப்டனாக சிறப்பாக விளையாடி வருகிறார்.

மே மாதத்தில் 7 போட்டிகளில் 7 கோல்கள், 4 அசிஸ்ட்ஸ் செய்து அசத்தியுள்ளார்.

6 போட்டிகளாக தோல்வியைச் சந்தித்த இன்டர் மியாமி அணி மீண்டும் வெற்றிப் பாதைக்கு திரும்பியுள்ளது.

புள்ளிப் பட்டியலில் இன்டர் மியாமி அணி 29 புள்ளிகளுடன் 3-ஆவது இடத்துக்கு முன்னேறியுள்ளது.

எம்எல்எஸ் தொடரில் மே மாதத்தில் சிறப்பாக விளையாடியதற்காக லியோனல் மெஸ்ஸி சிறந்த வீரராக தேர்வாகியுள்ளார்.

மொத்தமாக மெஸ்ஸி 850 கோல்களும் 384 அசிஸ்ட்களும் செய்துள்ளார்.