மேற்கிந்தியத் தீவுகளுக்குச் சென்ற ஸ்மித்..! 2-ஆவது டெஸ்ட்டில் விளையாடுவாரா?

ஆஸி. நட்சத்திர கிரிக்கெட் வீரர் ஸ்டீவ் ஸ்மித் மேற்கிந்தியத் தீவுக்குச் சென்றடைந்துள்ளார்.

மே.இ.தீவுகளுக்குச் சுற்றுப் பயணம் செய்துள்ள ஆஸி. அணி 3 டெஸ்ட், 5 டி20 போட்டிகளில் விளையாடவிருக்கிறது.

பாரபடோஸில் நடந்த முதல் டெஸ்ட்டில் ஆஸி. அணி 159 ரன்கள் வித்தியாசத்தில் வென்றது.

அடுத்ததாக, 2-ஆவது டெஸ்ட் வரும் ஜூலை 3ஆம் தேதி செயிண்ட் ஜார்ஜியாவில் நடைபெறவிருக்கிறது.

இந்நிலையில், ஸ்டீவ் ஸ்மித் தனது இன்ஸ்டா பக்கத்தில் நியூயார்க்கில் இருந்து பார்படோஸ் சென்ற புகைப்படத்தைப் பதிவிட்டுள்ளார்.

உலக டெஸ்ட் சாம்பியன்ஷிப் இறுதிப் போட்டியில் பவுமா கேட்சைப் பிடிக்க முயலும்போது கை விரலில் காயம் ஏற்பட்டது. அப்போது, ஆட்டத்தை விட்டு வெளியேறிய ஸ்மித் இப்போதுவரை ஓய்வில்தான் இருக்கிறார்.

அடுத்த போட்டியில் ஸ்மித் விளையாடுவாரா என்ற கேள்விக்குப் பதிலளித்த ஆஸி. தலைமைப் பயிற்சியாளர் மெக்டொனால்டு, “அவரது விரல் எப்படி இருக்கிறது என்பதைப் பொறுத்துதான். மற்றபடி அவர் நிச்சயமாக விளையாடுவார்” எனக் கூறினார்.

Australian star cricketer Steve Smith has arrived in the West Indies. He likey to play 2nd Test against West indies.