மொடக்குறிச்சி ஒன்றியத்தில் ரூ.11.40 லட்சத்தில் வளா்ச்சிப் பணிகள்! எம்எல்ஏ தொடங்கி வைத்தாா்!

மொடக்குறிச்சி ஊராட்சி ஒன்றியத்தில் ரூ. 11.40 லட்சம் மதிப்பிலான வளா்ச்சிப் பணிகளுக்கான பூமிபூஜையை எம்எல்ஏ சி.சரஸ்வதி செவ்வாய்க்கிழமை தொடங்கிவைத்தாா்.

மொடக்குறிச்சி ஒன்றியம், லக்காபுரம் ஊராட்சியில் சாணாா்மேடு முதல் விஐபி காா்டன் வரை ரூ. 7.95 லட்சம் கழிவுநீா் வடிகால் அமைத்தல், நன்செய் காளமங்கலம் ஊராட்சிக்கு உள்பட்ட மன்னாதம்பாளையம் ஊராட்சி ஒன்றிய நடுநிலைப் பள்ளியில் ரூ. 3.45 மதிப்பில் பேவா் பிளாக் நடைபாதை அமைத்தல் என மொத்தம் ரூ. 11.40 லட்சம் மதிப்பிலான வளா்ச்சிப் பணிகளுக்கு பூமி பூஜை நடைபெற்றது.

இந்த இரண்டு பணிகளும் மொடக்குறிச்சி சட்டப் பேரவை உறுப்பினா் தொகுதி மேம்பாட்டு நிதியின்கீழ் நடைபெறுகின்றன.

இந்நிலையில் இப்பணிகளை சட்டப் பேரவை உறுப்பினா் சி.சரஸ்வதி பூமிபூஜை செய்து தொடங்கிவைத்தாா்.

இதில் மொடக்குறிச்சி வட்டார வளா்ச்சி அலுவலா்கள் சுமித்ரா, திருநாவுக்கரசு, லக்காபுரம் ஊராட்சி முன்னாள் தலைவா் சாலைமாணிக்கம், ஈரோடு தெற்கு மாவட்ட பாஜக தலைவா் எஸ்.எம்.செந்தில், மாவட்ட பொதுச் செயலாளா் பி. சிவசங்கா், முன்னாள் மாவட்ட தலைவா் எஸ்.ஏ. சிவசுப்பிரமணியம், ஈரோடு மாவட்ட அம்மா பேரவை தலைவா் நவீன் (எ) நவநீதகிருஷ்ணன், மொடக்குறிச்சி கிழக்கு ஒன்றிய செயலாளா் குலவிளக்கு கே.செல்வராஜ், ஒன்றிய அவைத்தவைா் சின்னசாமி உள்ளிட்டோா் கலந்து கொண்டனா்.