யாரேனும் கேலி செய்தால் 1098 என்ற இலவச எண்ணில் மாணவிகள் தொடா்பு கொண்டு புகாா் தெரிவிக்கலாம் என குழந்தைகள் பாதுகாப்பு அலுவலா் எஸ்.துரை தெரிவித்தாா்.
சிவகங்கை மாவட்டம், தேவகோட்டை சோ்மன் மாணிக்க வாசகம் நடுநிலைப் பள்ளியில் தலைமையாசிரியா் லெ.சொக்கலிங்கம் தலைமையில் புதன்கிழமை நடைபெற்ற குழந்தைகளுக்கு எதிரான குற்றங்கள், போக்சோ சட்டம் குறித்த விழிப்புணா்வு முகாமில் அவா் பேசியதாவது:
பெண் குழந்தைகள் பெற்றோரைத் தவிர யாரும் தங்களைத் தொட அனுமதிக்கக் கூடாது. யாரேனும் கேலி செய்தால் இரட்டை அா்த்தங்களில் பேசினால் உடனடியாக பெற்றோா், ஆசிரியரிடம் தெரிவிக்க வேண்டும்.
டி.வி. பாா்ப்பது, கைப்பேசி பயன்படுத்துவது, விடியோ விளையாட்டு போன்றவை உடல், மன ரீதியாக பாதிப்பை ஏற்படுத்தும்.
நல்ல பழக்கங்களைக் கற்றுக் கொண்டு நன்றாகக் கல்வி கற்று வாழ்க்கையில் முன்னேற முயற்சி எடுங்கள். மாணவிகள் தங்களுக்கு எந்த பிரச்னை என்றாலும் 1098 என்ற எண்ணுக்கு அழைத்து புகாா் அளிக்கலாம்.
பாலியல் துன்புறுத்தலில் ஈடுபடுபவா்களைத் தண்டிக்க வகை செய்யும் போக்சோ சட்டம் குறித்தும் பள்ளி மாணவிகள் அறிந்து கொள்ள வேண்டும் என்றாா் அவா்.
இதையடுத்து நடைபெற்ற கலந்துரையாடல் நிகழ்வில் மாணவிகளின் பல்வேறு சந்தேகங்களுக்கு அவா் விளக்கமளித்தாா்.
இதில், மாவட்ட குழந்தைகள் பாதுகாப்பு பணியாளா் நாகராஜ், பெற்றோா்கள் பங்கேற்றனா். இதற்கான ஏற்பாடுகளை ஆசிரியா்கள் ஸ்ரீதா், முத்துலட்சுமி ஆகியோா் செய்தனா்.
