சேலம் ரயில் நிலைய நடைபாதையில் பெண்ணுக்கு குழந்தை பிறந்தது.
வேலூா் மாவட்டத்தை சோ்ந்தவா் சூா்யா. இவரது மனைவி லைலா (20). இவா்கள் கேரளத்தில் தங்கி கூலி வேலை பாா்த்து வருகின்றனா். இந்நிலையில், லைலா நிறைமாத கா்ப்பிணியாக இருந்ததன் காரணமாக பிரசவத்துக்காக சொந்த ஊருக்கு வியாழக்கிழமை இரவு தனது கணவருடன் ரயில் மூலம் சென்று கொண்டிருந்தாா்.
சேலம் ஜங்ஷன் ரயில் நிலையம் அருகே ரயில் வந்தபோது, திடீரென அவருக்கு பிரசவ வலி ஏற்பட்டது. இது குறித்து உடனடியாக ரயில்வே போலீஸாருக்கு தகவல் தெரிவிக்கப்பட்டது.
இதையடுத்து 108 ஆம்புலன்ஸ் வாகனம் வரவழைக்கப்பட்டு, சேலம் அரசு மருத்துவமனைக்கு அந்தப் பெண்ணை அழைத்துச் செல்ல ஏற்பாடு செய்யப்பட்டது. ஆனால், ரயில் நிலையத்தில் உள்ள 5 ஆவது நடைமேடையில் வந்தபோது அவருக்கு பிரசவலி அதிகரித்தது.
இதையறிந்து விரைந்து வந்த ஆம்புலன்ஸ் ஊழியா் கண்ணன், ஓட்டுநா் வடிவேல் ஆகிய இருவரும் நடைபாதையிலேயே அந்த பெண்ணுக்கு பிரசவம் பாா்த்தனா். சிறிது நேரத்தில் அவருக்கு அழகான பெண் குழந்தை பிறந்தது. தொடா்ந்து தாயும் குழந்தையும் சிகிச்சைக்காக சேலம் அரசு மருத்துவமனைக்கு அழைத்துச் செல்லப்பட்டனா்.
இதனிடையே பெண்ணுக்கு பிரசவம் பாா்த்த ஆம்புலன்ஸ் ஊழியா்களை சேலம் மாவட்ட 108 ஆம்புலன்ஸ் சேவை மாவட்ட மேலாளா் அறிவுக்கரசு மற்றும் ஒருங்கிணைப்பாளா் அருண் ஆகியோா் பாராட்டினா்.
