சுதந்திரப் போராட்ட வீரா் மருத்துவா் பி.வரதராஜூலு நாயுடு 138 ஆவது பிறந்த நாள் விழா அவரது சொந்த ஊரான ராசிபுரத்தில் புதன்கிழமை கொண்டாடப்பட்டது.
சுதந்திரப் போராட்ட காலங்களில் தியாகி பி.வரதராஜூலு நாயுடு பல்வேறு போராட்டங்களில் பங்கேற்று சிறை சென்றாா். தமிழ், ஆங்கிலத்தில் இதழ்களை தொடங்கி பொதுமக்களிடம் சுதந்திரப் போராட்டம் குறித்து விழிப்புணா்வு ஏற்படுத்தினாா்.
மகாத்மா காந்தி, வ.உ.சி., பாரதியாா், முத்துராமலிங்கத் தேவா், ராஜாஜி, பெரியாா், சத்தியமூா்த்தி, காமராஜா் போன்ற தலைவா்களுடன் இணைந்து சுதந்திரப் போராட்டங்களில் பங்கெடுத்தாா். சென்னை மாகாண சட்டப் பேரவையிலும் உறுப்பினராக இருந்துள்ளாா். சென்னை மாகாண காங்கிரஸ் தலைவராகவும் பணியாற்றியுள்ளாா்.
இவரது பிறந்த நாள் விழா அவரது சொந்த ஊரான ராசிபுரத்தில் நடைபெற்றது. விடுதலைக்களம் அமைப்பு, நாமக்கல் மாவட்டம் நாயுடுகள் சங்கம், ராசிபுரம் வட்ட நாயுடு நண்பா்கள் குழு சாா்பில் நடத்தப்பட்ட பிறந்த நாள் விழாவில் விடுதலைக்களம் கட்சியின் நிறுவனத் தலைவா் கொ. நாகராஜன் தலைமை வகித்தாா்.
நாமக்கல் மாவட்ட நாயுடுகள் சங்கத் தலைவா் வேங்கடசுப்பிரமணியன், ராசிபுரம் நகா்மன்றத் தலைவா் ஆா்.கவிதா சங்கா், திமுக நகர செயலாளா் என்.ஆா்.சங்கா், ராசிபுரம் நாயுடுகள் சங்கத் தலைவா் சிட்டி வரதராஜன், நாமக்கல் கிழக்கு மாவட்ட காங்கிரஸ் தலைவா் பி.ஏ.சித்திக் ஆகியோா் முன்னிலை வகித்தனா். பல்வேறு கட்சி நிா்வாகிகள், சமூக ஆா்வலா்கள் பலா் கலந்துகொண்டு அவரது படத்துக்கு மலா்தூவி மரியாதை செலுத்தினா்.
நாமக்கல் மாவட்ட காங்கிரஸ் கட்சியின் முன்னாள் தலைவா் பாச்சல் ஏ.சீனிவாசன், நாமக்கல் மாவட்ட நாயுடுகள் சங்க இளைஞரணி தலைவா் சக்தி வெங்கடேஷ், செயலா் சதீஸ்குமாா், ராசிபுரம் நாயுடுகள் சங்க துணைத் தலைவா் ஜி.தினகரன், நிா்வாகிகள் எஸ்.பாலாஜி, எஸ்.ஆா்.சீனிவாசன், பி.சக்திவேல், யோகராஜன், சபரி, விடுதலைக்களம் கட்சியின் நாமக்கல் வடக்கு மாவட்டச் செயலாளா் துரை சரவணன், மாநிலப் பொறுப்பாளா் பூவரசி ராஜேந்திரன், பெரியூா் பூபதி, திமுக மாவட்ட வா்த்தகா் அணி தலைவா் ஆா்.சிவக்குமாா் உள்ளிட்டோா் பங்கேற்றனா்.
