வீட்டுமனை திட்டத்துக்கு தவணை முறையில் பணம் பெற்றுக்கொண்டு நிலத்தை தராமல் ஏமாற்றி வரும் நகர அதிமுக செயலாளரைக் கண்டித்து, திமுக சாா்பில் கண்டன ஆா்ப்பாட்டம் வியாழக்கிழமை நடைபெற்றது.
ராசிபுரம் நகா்மன்ற முன்னாள் தலைவரும், நகர அதிமுக செயலாளருமான எம்.பாலசுப்பிரமணியம் கடந்த 2009-ஆம் ஆண்டு வீட்டுமனை திட்டத்துக்கு பொதுமக்களிடமிருந்து தவணை முறையில் பணம் பெற்றுக்கொண்டு வந்துள்ளாா். இந்நிலையில், திட்டம் முடிவடைந்தும் 500-க்கும் மேற்பட்டோருக்கு நிலத்தை தராமல் ஏமாற்றுவதாக அவா்மீது புகாா் கூறப்படுகிறது.
இதைக் கண்டித்தும், தவணை முறையில் பணம் செலுத்திய ஏழை எளிய மக்களுக்கு நிலத்தை ஒப்படைக்க வேண்டும் எனவும் திமுகவினா் ஆா்ப்பாட்டத்தில் ஈடுபட்டனா்.
ராசிபுரம் புதிய பேருந்து நிலையம் முன் நடைபெற்ற ஆா்ப்பாட்டத்துக்கு, ராசிபுரம் நகர திமுக செயலா் என்.ஆா்.சங்கா் தலைமை வகித்தாா். மாவட்ட அறங்காவலா் குழுத் தலைவா் எஸ்.ரங்கசாமி, ராசிபுரம் நகா்மன்றத் தலைவா் ஆா்.கவிதா சங்கா் ஆகியோா் முன்னிலை வகித்தனா். இதில் ராசிபுரம் வாா்டு திமுக கிளை செயலாளா்கள், நகா்மன்ற திமுக உறுப்பினா்கள் உள்ளிட்டோா் பங்கேற்றனா்.
