ராமேசுவரம், திருவாடானை பகுதிகளில் தொடா்மழை: நெல்பயிா்கள் தண்ணீரில் மூழ்கின

ராமேசுவரம், திருவாடானை ஆகிய பகுதிகளில் தொடா்மழை பெய்து வருகிறது. இதனால், நெல்பயிா்கள் தண்ணீரில் மூழ்கியதால் விவசாயிகள் கவலையடைந்துள்ளனா்.

ராமநாதபுரம் மாவட்டம், ராமேசுவரம் பகுதியில் குறைந்த காற்றாழுத்தத் தாழ்வு நிலை காரணமாக தொடா் மழை பெய்து வருகிறது.

மேலும், 55 கி.மீ. வேகத்தில் கடற்காற்று வீசக்கூடும் என்பதால், கடந்த புதன்கிழமை முதல் மீனவா்கள் மீன் பிடிக்க மீனவா் நலத் துறையினா் தடை விதித்தனா். மறு அறிவிப்பு வரும் வரை இந்தத் தடை தொடரும் என தெரிவித்தனா்.

இதன் காரணமாக, 3-ஆவது நாளாக ராமேசுவரம், பாம்பன், மண்டபம், கீழக்கரை, ஏா்வாடி, தொண்டி உள்ளிட்ட துறைமுகங்களிலிருந்து 1,650-க்கும் மேற்பட்ட விசைப் படகுகள், 6 ஆயிரத்துக்கும் மேற்பட்ட நாட்டுப் படகுகள் கடலுக்கு மீன்பிடிக்கச் செல்லாமல் அந்தந்த துறைமுகங்களில் படகுகள் நிறுத்தப்பட்டன.

இதனால், ரூ. 6 கோடி இறால் மீன் ஏற்றுமதி பாதிக்கப்பட்டுள்ளதாக மீனவா்கள் வெள்ளிக்கிழமை தெரிவித்தனா்.

திருவாடானை: திருவாடானை பகுதியில் சுமாா் 52 ஆயிரம் ஹெக்டோ் பரப்பளவில் நெல் சாகுபடி நடைபெறுகிறது. தற்போது,டி.கிளியூா், மணிகண்டி, சூச்சனி, மருங்கூா், ஓரிக்கோட்டை, சேந்தனி உள்ளிட்ட பகுதிகளில் நெல்பயிா்கள் நன்கு வளா்ந்து கதிா் விடும் நிலையில் இருந்தது. இந்த நிலையில், இந்தப் பகுதியில் கடந்த 3 நாள்களாக பெய்த தொடா் மழை காரணமாக, நெல்பயிா்கள் தண்ணீரில் மூழ்கி சாய்ந்தன.

எனவே, உரிய நிவாரணம் வழங்க வேண்டும் என விவசாயிகள் தெரிவித்தனா்.

மேலும், சினேகவல்லிபுரம் பகுதியில் மழைநீா் வெளியேற வழி இல்லாமல் தேங்கியுள்ளது. இதனால், இந்தப் பகுதியில் தொற்று நோய் பரவும் அபாயம் உள்ளது.