வங்தேசம்: ஷேக் ஹசீனா ஆட்சியில் தோ்தல் முறைகேடு குறித்து விசாரணை
இந்திய அணியின் தலைமைப் பயிற்சியாளர் கௌதம் கம்பீர் செய்தியாளர் சந்திப்பில் உண்மை பேசுகிறேன் என கடுமையாக பேசியுள்ளார்.
பார்டர் - கவாஸ்கர் தொடரில் 2-1 என ஆஸ்திரேலிய அணி முன்னிலையில் இருப்பதால் இந்திய ரசிகர்களும் இந்திய அணியும் கலக்கத்தில் இருக்கிறார்கள்.
கேப்டன் ரோஹித் சர்மாவின் பேட்டிங் மோசமாக இருந்து வருகிறது. சிட்னியில் நாளை (ஜன.3) நடைபெறவுள்ள கடைசி டெஸ்ட்டில் ரோஹித் பங்குபெறுவாரா என கம்பீர் திட்டவட்டமாக எதுவும் கருத்து தெரிவிக்கவில்லை.
இந்திய அணியின் தலைமைப் பயிற்சியாளர் கௌதம் கம்பீர் செய்தியாளர் சந்திப்பில் பேசியதாவது:
நேர்மை முக்கியம்
பயிற்சியாளருக்கும் வீரருக்கும் ஓய்வறையில் நடந்த விவாதம் அங்கேயே இருக்கட்டும். அதைப்பற்றி வரும் தகவல்கள் அனைத்தும் தகவல்கள் மட்டுமே. உண்மை இல்லை.
ஓய்வறையில் உண்மையான மனிதர்கள் இருக்கும்வரை இந்திய கிரிக்கெட் அணி பாதுகாப்பான இடத்திலேயே இருக்கும்.
நேர்மை மிகவும் முக்கியம். எந்தவொரு மாற்றமும் நேர்மையாக இருக்க வேண்டும்.
ஒருவரது செயல்பாடுகள் மட்டுமே அவரை இந்திய அணியின் ஓய்வறையில் இருக்க வைக்கும்.
ரோஹித் நீக்கமா?
ரோஹித்துடன் எல்லாம் சரியாக இருக்கிறது. தலைமைப் பயிற்சியாளராக நான் இங்கு இருக்கிறேன். அதுபோதும். பிட்ச் நிலைமையை பார்த்தபிறகு நாங்கள் பிளேயிங் லெவனை அறிவிப்போம்.
ஓவ்வொரு தனிப்பட்ட வீரரும் தங்களது குறைகளை அறிந்து வைத்துள்ளார்கள். நாங்கள் டெஸ்ட் போட்டியினை எப்படி வெல்வது என்பது குறித்து மட்டுமே பேசினோம்.
நான் எந்த ஒரு வீரரையும் குறிப்பிட்டு பேச விரும்பவில்லை. அணிக்குதான் முதல் முக்கியத்துவம். வீரர்கள் தங்களது இயல்பான ஆட்டத்தை ஆடலாம். ஆனால், குழு விளையாட்டில் ஓவ்வொரு தனி மனிதரும் பங்களிக்க வேண்டும் என்றார்.
