லஞ்சம், சொத்துக் குவிப்பு வழக்கு: ஓய்வுபெற்ற வணிக வரித் துறை அலுவலருக்கு 8 ஆண்டுகள் சிறை

லஞ்சம், வருவாய்க்கு அதிகமாக சொத்து குவித்தது ஆகியவை தொடா்பான வழக்கில் ஓய்வுபெற்ற வணிக வரித் துறை அலுவலருக்கு 8 ஆண்டுகள் சிறைத்தண்டனை விதித்து திருநெல்வேலி நீதிமன்றம் செவ்வாய்க்கிழமை தீா்ப்பளித்தது.

விருதுநகா் மாவட்டம், சாத்தூா் என். ஜி.ஓ. காலனியை சோ்ந்தவா் ஜெயபாலன் (74). இவரது மனைவி கோமதி ஜெயம். ஜெயபாலன் கடந்த 2005-06 ஆம் ஆண்டுகளில் நான்குனேரி வட்ட துணை வணிக வரி அலுவலராக பணியாற்றினாராம். அப்போது, தளபதிசமுத்திரத்தில் இயங்கி வந்த தனியாா் நிறுவனத்தின் வருமான வரி மதிப்பை திருத்துவது தொடா்பாக ரூ.25 ஆயிரம் லஞ்சம் கேட்டாராம்.

இதுதொடா்பாக நிறுவனத்தின் நிா்வாக இயக்குநா், திருநெல்வேலி மாவட்ட ஊழல் தடுப்பு மற்றும் கண்காணிப்பு பிரிவு போலீஸில் புகாா் அளித்தாா்.

பின்னா் போலீஸாா் அறிவுரையின்படி ரசாயனம் தடவிய பணத்தை வழங்கியபோது, ஜெயபாலனை ஊழல் தடுப்பு -கண்காணிப்பு பிரிவு போலீஸாா் கைது செய்தனா்.

விசாரணையில் அவா், தனது மனைவி கோமதி ஜெயம் பெயரில் வருமானத்துக்கு அதிகமாக சொத்துக்கள் வாங்கி குவித்திருப்பது தெரியவந்ததாம். இதுதொடா்பாக விருதுநகா் மாவட்ட ஊழல் தடுப்பு -கண்காணிப்பு பிரிவு போலீஸாா் ஜெயபாலன் மற்றும் அவரது மனைவி மீது தனியாக ஒரு வழக்கை பதிவு செய்தனா்.

இவ்விரு வழக்குகளும் திருநெல்வேலி மாவட்ட ஊழல் தடுப்பு மற்றும் கண்காணிப்பு பிரிவு சிறப்பு நீதிமன்றத்தில் நடைபெற்று வந்தது. இந்த வழக்கை நீதிபதி சுப்பையா விசாரித்து, ஜெயபாலனுக்கு இரு வழக்குகளிலும் தலா 4 ஆண்டுகள் வீதம் 8 ஆண்டுகள் சிைண்டனையும், கோமதி ஜெயத்திற்கு 4 ஆண்டுகள் சிைண்டனையும் விதித்து தீா்ப்பளித்தாா். இந்த வழக்கில் அரசு தரப்பில் வழக்குரைஞா் ராஜகுமாரி ஆஜரானாா்.