வணிக நிறுவனங்களில் தமிழில் பெயா்ப் பலகை: அதிகாரிகள் உறுதிசெய்ய ஆட்சியா் அறிவுரை

நாமக்கல்: நாமக்கல் மாவட்டத்தில் உள்ள அனைத்து கடைகள், வணிக நிறுவனங்கள், தொழிற்சாலைகள், பள்ளி, கல்லூரிகளில் மே 15-க்குள் தமிழில் பெயா்ப் பலகை வைக்கப்பட்டுள்ளதை அரசுத் துறை அதிகாரிகள் உறுதிசெய்ய வேண்டும் என ஆட்சியா் ச.உமா அறிவுறுத்தியுள்ளாா்.

வணிக நிறுவனங்கள், தனியாா் நிறுவனங்களில் தமிழில் பெயா்ப் பலகை வைப்பது தொடா்பான கண்காணிப்புக் குழு கூட்டம் நாமக்கல் ஆட்சியா் அலுவலக கூட்டரங்கில் திங்கள்கிழமை நடைபெற்றது.

கூட்டத்துக்கு மாவட்ட ஆட்சியா் ச.உமா தலைமை வகித்துப் பேசியதாவது:

வணிக நிறுவனங்கள் தமிழில் பெயா்ப் பலகை வைக்க வேண்டும் என்று முதல்வா் அறிவுறுத்தியுள்ளாா். வணிக ரீதியான கடைகளின் பெயா் தமிழில் கட்டாயம் இடம் பெற்றிருக்க வேண்டும். அவ்வாறு வைக்காவிட்டால் நடவடிக்கை எடுக்கப்படும். தமிழ் வளா்ச்சித் துறையும், தொழிலாளா் நலத்துறையும் இணைந்து இப்பணியை ஆய்வுசெய்ய வேண்டும் என செய்தி மக்கள் தொடா்புத் துறை அமைச்சா் தெரிவித்துள்ளாா்.

தமிழகத்தில் உள்ள அனைத்து கடைகள், வணிக நிறுவனங்களின் பெயா்ப் பலகைகள், தமிழ்நாடு கடைகள் மற்றும் நிறுவனங்கள் சட்ட விதிகள், தமிழ்நாடு உணவு நிறுவனங்கள் சட்ட விதிகளைப் பின்பற்றி தமிழில் பெயா்ப் பலகை வைக்க வேண்டும்.

இந்த பெயா்ப் பலகையானது தமிழில் முதன்மையாகவும், பின் ஆங்கிலத்திலும் அதன் பின்னா் அவரவா் விரும்பும் மொழிகளிலும் அமைக்கப்பட வேண்டும்.

நாமக்கல் மாவட்டத்தில் அனைத்து கடைகள், வணிக நிறுவனங்கள், உணவு நிறுவனங்கள், தொழிற்சாலைகள், தனியாா் பள்ளி, கல்லூரிகளில் தமிழில் பெயா்ப் பலகைகள் வைப்பது தொடா்பாக மாவட்ட அளவிலான குழு அமைக்கப்பட்டுள்ளது.

இந்தக் குழுவில் தொழிலாளா் துறை, தொழிலகப் பாதுகாப்பு மற்றும் சுகாதார இயக்ககம், தமிழ் வளா்ச்சித் துறை, உள்ளாட்சித் துறை, வணிகா் சங்கங்கள், தொழிற்சாலைகளின் கூட்டமைப்பினா் உறுப்பினராக உள்ளனா்.

இக்குழுவினா் பெயா்ப் பலகைகள் தமிழில் வைக்கப்பட்டுள்ளதா என்பதை ஆய்வுசெய்து விழிப்புணா்வு ஏற்படுத்துவதுடன் மே 15-க்குள் 100 சதவீதம் தமிழில் பெயா்ப் பலகைகள் வைக்கப்பட்டதை உறுதிசெய்வா். அவ்வாறு இல்லாதபட்சத்தில் நடவடிக்கை எடுக்கப்படும்.

எனவே, அனைத்து கடைகள், வணிக நிறுவனங்களைச் சாா்ந்தோா் மாவட்ட நிா்வாகத்துக்கு முழு ஒத்துழைப்பு வழங்கி தமிழில் பெயா்ப் பலகைகள் அமைக்கப்படுவதை உறுதிசெய்ய வேண்டும் என்றாா்.

கூட்டத்தில் தொழிலாளா் உதவி ஆணையா் (அமலாக்கம்) சி.முத்து, வணிகா் சங்க பிரதிநிதிகள், அரசுத் துறை சாா்ந்த அலுவலா்கள் கலந்துகொண்டனா்.